TCB TA PRESENTA UN EKSHIBISHON NOBO DI ARTENAN DI ARTISTA SRA. MARIELA DOMACASSE WINKLAAR

TCB TA PRESENTA UN EKSHIBISHON NOBO DI ARTENAN DI ARTISTA SRA. MARIELA DOMACASSE WINKLAAR

      

Kralendijk (13 di mart 2019) –  E area di resepshon di Tourism Corporation Bonaire ta komberti un bes mas den un ekshibishon di arte, esaki ta e di diesun artista ku ta ekshibi su arte. E galeria ta vitrina pa artistanan lokal ku ta deseá na eksponé nan talento. Semper ta haña hopi reakshon positivo di tantu turista komo hende lokal ku bishitá TCB. Despues di e ekshibishon di e pintor di “Portraits of Bonaire”, Sr. Henk Roozendaal komo e promé artista, siguí pa Sra. Monica Liliana Trujillo, Sr. Adi Figaroa, Sra. Riet Sealy i Sra. Agnes Joosten, Sr. Fransico Uty Melaan, Sra. Mamita Fox, Srta. Virgy Balentin, Sra. Rosalba Figaroa, Sr. Nochi Coffie, Sra Maideline Hooi Martijn i awor nos ta bai konose otro artisita Sra. Mariela Domacasse Winklaar.

Mariëla Domacasse Winklaar ta un dama Boneriano sali for di e bario di Nort Saliña.

For di chikitu su mannan tabata kishiki pa e por a usanan den arte i asina ela bin desaroyáebatin tin e talento dor di hasi uso di su fantasia. Semper e tabatin e deseo pa siña pinta!                                                                                                                     For chikitu ela kuminsa eksperimentá ku pintamentu i dekorashon. Kaminda ku e por hasi uso di su kreatividat e tei pa yuda. Durante e añanan Mariëla a desaroyá hobinan manera dorna bolo, fura stul, dekorá kortina pero tambe ferf kas. Huntu ku algun persona profeshonal a yudele dal e stap pa por a yega mas serka su deseo.                                                                                                                                                           Ta aña pasa na momentu ku e tabatin 55 aña ela bai buta mas atenshon riba e parti di krea obranan  dor di pinta i ferf. Den su obranan e ta hasi uso di kolornan i e ta apliká e technika di dot. E ta konsentra hopi riba naturalesa i tambe luganan historiko di Boneiru. E ta masha agredesido na  su subrino Ger-G Winklaar i Angelo Domacasse ku a apoye pa trese su obranan ofisina di TCB pa un eksposihon i tambe su ruman Gerlinde Winklaar ku a sostené pa asina hasi un di su soñonan bira realidat.                                                                                                                                                                                                            Tourism Corporation Bonaire ta ekstendé un invitashon pa bin bishitá e sala di galeria di arte situá na Kaya Grandi # 2 pa atmirá e pinturanan  riba canvas di e artista Mariela i alabes por kumpra e artenan.

DSC_0314DSC_0317DSC_0320

This site uses Akismet to reduce spam. Learn how your comment data is processed.

error: Content is protected !!
%d bloggers like this: