Parlamentario Curtley Obispo: E di 2 resúmen, kuenta i rason over di aña parlamentario 2018/2019: kapítulo 1 di 2.

E di 2 resúmen, kuenta i rason over di aña parlamentario 2018/2019: kapítulo 1 di 2.

Parlamentario Curtley Obispo ta sigui duna kuenta i rason na Pueblo di Kòrsou. E di 6 relato desde ku e ta miembro di Parlamento di Kòrsou for di 4 yanüari 2017. E biaha aki, e di 2 resúmen kuenta i rason over di aña parlamentario 2018/2019 pa loke ta trata promé 6 lunanan (periodo di 11 sèptèmber 2018 te ku 11 mart 2019).

Kartanan na ministernan di Gobièrnu di Kòrsou

Durante e periodo di 11 sèptèmber 2018 te ku 11 mart 2019, parlamentario Curtley Obispo a hasi uso aktivamente di e derecho komo parlamentario di hasi preguntanan na ministernan di Gobièrnu di Kòrsou. E la skibi 15 karta riba puntonan ku ta regarda gobernashon di Kòrsou i tópikonan di importansia i di interes pa ku Pueblo di Kòrsou. Ta trata di e siguiente 15 kartanan a base di su plan di trabou di kontròl: (1) preguntanan adishonal riba e tópiko compliance i ehekushon di impuesto riba vehíkulonan motorisá (motorrijtuigenbelasting); (2) publikashon periódiko di informashon di maneho di personal; (3) status di ehekushon di moshon di Parlamento di Kòrsou di dia 24 di aprel 2018 relashoná ku e proyekto Hospital Nobo Otrobanda?;( 4) status di implementashon di rekomendashonnan di e rapòrt Komishon Evaluashon Corporate Governance Kòrsou; (5) minister su karta fechá 5 òktober 2018 0047-1 V/18-19 re: Publikashon periódiko di informashon di maneho di personal i (6) Kámara di Presupuesto Kòrsou (“Begrotingskamer Curaçao), (7) Status di dekretonan nashonal ku ta regarda Desaroyo Ekonómiko, (8) “Leiddraad functioneringsgesprekken Curaçao” i (9) Aqualectra: “afvalstoffenbelasting” i energia solar pa skolnan, (10) Ehekushon di Presupuesto 2019 Pais Kòrsou – kobransa di impuesto di vehíkulo, (11) Ehekushon di presupuesto 2019 Pais Kòrsou – kobransa erfpacht, (12) “Bureau lntegriteit”, status di plan di akshon 2019, (13) Konbenio di Savaneta, (14) Ehekushon di Presupuesto 2019 Pais Kòrsou – reglanan i leinan di kontabilidat pa gastunan presupuestá i (15) Konseho Elektoral un órgano independiente, status di plan di akshon 2019.  

Pa loke ta e aña parlamentario 2018/2019 parlamentario Curtley Obispo ta pendiente di risibí kontesta riba 2 di 6 karta usando e kriterio di e protokòl entre Parlamento di Kòrsou i Gobièrnu di Kòrsou di dia 20 ougùstùs 2013. Ta trata di e siguiente kartanan ku tópiko: (1) Status di ehekushon di moshon di Parlamento di Kòrsou di dia 24 di aprel 2018 relashoná ku e proyekto Hospital Nobo Otrobanda? I (2) Kámara di Presupuesto Kòrsou (“Begrotingskamer Curaçao”). 

Pa loke ta e aña parlamentario anterior 2017/2018, parlamentario Curtley Obispo ta pendiente di risibí kontesta riba 6 di 29 karta.  Ta trata di e siguiente kartanan ku tópiko: (1) Plan Nashonal Dementia, (2) Klein Kòrsou, (3) Plan di akshon Fundashon Kuido Ambulans 2017, (4) Plan Nashonal pa kombatí violensia doméstiko/relashonal i violensia kontra mucha i hóbennan, (5) Status di ehekushon rekomendashonnan di e rapòrt 2013 di Unicef tokante situashon di muchanan i hóbennan na Kòrsou pa loke ta trata salubridat. (6) Petishon pa risibí dokumentonan di korespondensia entre Stichting SONA I Gobièrnu di Kòrsou en konekshon ku e proyekto Hospital Nobo Otrabanda (HNO). 

Potret 2019 parlamentario Curtley Obispo

Advertisements

This site uses Akismet to reduce spam. Learn how your comment data is processed.

error: Content is protected !!
%d bloggers like this: