KOMUNIKADO DI KUERPO POLISIAL KÒRSOU

108/ 2019

17 mart 2019

Kaso di hinkamentu ku herido.

Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ
Djadumingu dia 17 di mart 2019 alrededor di 00.05’or di mardugá, Sentral di Polis a dirigí un unidat di Rio Canario na altura di un snèk riba Seru Fortunaweg pa un kaso di
hinkamentu.
Na yegada di e unidat, el a bin topa un hòmber ku un hinká bastante serio na e parti abou di su barika i tabata sangrando hopi.
Masora a pidi presensia di ambulans, ku a transportá e víktima pa poliklínika pa tratamentu médiko.
For di investigahson ku polis a realisá na e sitio, a sali na kla ku e víktima, e hòmber S.J. di 31 aña di edat nase na Kòrsou, un ratu promé tabatin diskushon ku un otro hòmber.
Durante di e diskushon aki, e agresor a propiná e víktima un hinká na altura di su barika.
Despues di su akto, e sospechoso a bandoná e sitio.
Departamentu di reshèrshi ta investigando e kaso aki.