KOMUNIKADO DI PRENSA
109/ 2019
17 mart 2019
Kaso di tiramentu ku herido.
Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ
Djadumingu dia 17 di mart 2019 alrededor di 01.27’or di mardugá, Sentral di Polis a dirigí un unidat di Punda pa un adrès na Koraalspecht pa un kaso di tiramentu.
Na yegada di e unidat, el a bin topa ku un hòmber ku herida di bala na ámbos pia.
Mesora a pidi presensia di ambulans, ku a transportá e víktima pa poliklínika pa tratamentu médiko.
For di investigashon ku polis a realisá na e sitio a sali na kla ku e víktima aki tabata kana riba Paseo Koraalspecht i direpente el a keda alkansá pa dos tiru.
Na momentu ku el a bira wak den direkshon for di unda e tirunan a bini, el a keda
sorprendé pa dos hòmber deskonosí.
E víktima, e hòmber I.E.T. nase na Kòrsou di 50 aña di edat a sali na kareda i a bin resultá
den kura di kas, unda polis a bin top’e.
E dos hòmbernan despues di nan akto, a hui for di e sitio.
Investigashon den e kaso aki ta kontinuá.