E Rais di Sablika a presentá nan Trahe pa Marcha di Seú 2019

Djadumingu atardi den kura di Archivo Nashonal Kòrsou na Skalo a tuma lugá presentashon di Trahe di e Grupo di Seú “E Rais di Sablika” ku na kabes Shurendi Pieternella.

Komo ku e aña aki e tema di nan trahe ta “E Kargadó di Batrei”, Shurendi a aserka Archivo Nashonal pa asina presentá su idea pa duna un homenahe na “E kas di Batrei” den Skalo ku por sierto e aña aki lo kumpli 50 aña.

Tabata presente na e presentashon pa hiba palabra, Minister Armin Konket i sr. Hunneley Felicia den representashon di Archivo Nashonal ku a konta algu di e historia di e edifisio i di e trabou nan di Archivo Nashonal Kòrsou.

Despues ku Shurendi tambe a duna un splikashon di e trahe, tur presente por a atmirá e kreashon ku tabata den man di sra. Eugenie “Nini” Florentina di EF Creations.

Pa mas informashon pa inskripshon por tuma kontakto ku sra. Sonalie Rollins na telefon +599 9 515 6358.