MCC TA INVITA DOÑONAN DI OUTO MUSTANG NA UN REUNION IMFORMATIVO RELASHONA KU EKSPOSISHON

Relashoná ku eksposishon di outonan Mustang den Sambil:

MCC TA INVITA DOÑONAN DI OUTO MUSTANG NA UN REUNION IMFORMATIVO RELASHONA KU EKSPOSISHON

WILLEMSTAD —  Djasabra awor dia 23 di mart, direktiva di Mustang Club Curaçao ( MCC)  ta invitá doñonan di outonan Mustang, pa akudí na un reunion informativo, kaminda lo pasa riba tur detaye relashoná ku e evento di eksposishon ku lo tuma lugá den e fin di siman di 20 di aprel próksimo.

Manera ta konosí, dia 17 di aprel awor, Mustang ta selebrá 55 aña di eksistensia i hustamente den e fin di siman ei, lo tin un  eksposishon di vehíkulonan Mustang na Kòrsou. Direktor di Sambil. Sr. Jonathan Cohen ku tambe tin un Mustang Fastback Pretu di aña 1965, tambe su vehíkulo lo forma parti di e eksposishon aki.

MCC, huntu ku Sambil i tambe Prestige Motors ku ta e agensia di vehíkulonan Ford aki na Kòrsou, inkluyendo Mustang ta bai traha huntu pa hinka un eksposihon interesante den otro, kaminda lo trata pa tin mas tantu modèl di e outonan aki pa pueblo wak.

E reunion ku MCC ta yama ta pa djasabra awor dia 23 di mart di 7 or pa 8 or di anochi na Sambil. Na e okashon aki representantenan di MCC lo duna informashon i tambe lo sigui ku registrashon di  e doñonan i nan vehíkulonan ku lo ta den e show.

Esnan ku kier mas informashon , pòt tuma kontakto ku Sra. Tamara Muzo na 671-7188 o  por manda email na mustangclubcuracao@gmail.com. MCC ta mira e Promé Edishon di Eksposishon di Outonan Mustang na Sambil komo un komienso grandi  di un aktividat ku lo ripití tur aña.

Atentamente

 

Mustang Club Curaçao