AKSIDENTE KASI FRONTAL RIBA COMMANCHESTRAAT (video i potret)

Djadumingo mainta pa mas o menos 8:30 am a surgi un aksidente riba Commanchestraat net na altura di e dam jama “roi indjan”. Na prome instante bo no por kompronde si ta di mesun direkshon amobos vehikulo tabata bini. Pero despues di un investigashon ta resulta ku e pickup kora kima tabata bini for di e direkshon di Jolanda snack i e honda berde tabata bini for di direkshon di Gosieweg, segun nan a splika ku e Honda berde dado momento a perde kontrol riba stur i na e momentu ei e shofur a primi riba su brake ku resultado ku e vehikulo honda a bai den direkshon kontrali i dal den e Mitsubishikora kima. CRS a yega na e sitio di e aksidente pa dokumenta tur loke a pasa, e vehikulo Honda berde no tabata tin nigun di su dokumentonan na ordu.