Parlamentario Curtley Obispo: Tur kompanianan ku a traha riba e proyekto HNO a kumpli ku nan debernan fiskal?

Tur kompanianan ku a traha riba e proyekto HNO a kumpli ku nan debernan fiskal?

Parlamentario Curtley Obispo a indiká durante e reunion di Parlamento di Kòrsou di dia 27 mart 2019, ku for di 10 òktober 2010 Pais Kòrsou pa medio di Gobiernu di Kòrsou ta hinka via di e kuenta di kapital (“kapitaaldienst”) òf e kuenta koriente (“gewone dienst”) sèn den ekonomia di Kòrsou. Di otro banda ta lógiko ku parti di e sèn nan aki segun leinan fiskal tin ku bin bek komo kontribushon di belasting den kaha di Pais Kòrsou. Promé ku 29 mei 2017, durante gobernashonnan anterior, Pais Kòrsou a fia mas o ménos 434.1 mion florin pa loke ta e konstrukshon i transishon di Hospital Nobo Otrabanda (HNO). Segun e konstrukshon ta avansa e 434.1 mion florin ta wòrdu invertí den HNO i asina ta paga e kompanianan envolví den e konstrukshon  i transishon di Hospital Nobo Otrabanda. A base di esaki parlamentario Curtley Obispo tabata tin e siguiente preguntanan pa Minister di Finansa señor Kenneth Gijsbertha:

  1. SBAB a haña opdracht di Inspekshon di Impuesto pa hasi kontròlnan di winstbelasting, loonbelasting, omzetbelasting pa ku kompanianan ku ta envolví den e konstrukshon i transishon di e proyekto Hospital Nobo Otrabanda? Si òf No? Dikon si òf no?
  2. Kuantu kontròlnan SBAB a hasi den e periodo di 19 desèmber 2013 te ku 31 desèmber 2018 pa ku e proyekto di Hospital Nobo? Kuantu “boekenonderzoeken”?. Kiko tabata e resultado di “naheffingen” den mion di florin?
  3. Kuantu kontròlnan SVB a hasi den e periodo di 19 desèmber 2013 te ku 31 desèmber 2018 pa ku e proyekto di Hospital Nobo? Kuantu “boekenonderzoeken”?. Kiko tabata e resultado di naheffingen den mion di florin?
  4. Den minister su plannan pa drecha finansa publiko di Kòrsou, Minister di Finansa tin pensa pa implementá un team speshal di Inspekshon di Impuesto, SBAB i Ontvanger pa atendé ku “risicoposten” i tambe proyektonan grandi pa asina garantisá ku lokual Pais Kòrsou tin derechi riba dje na belasting ta drenta na tempu den kaha di Pais Kòrsou?. Si òf no. Dikon si òf No?

Potret 2019 parlamentario Curtley Obispo vershon 2

This site uses Akismet to reduce spam. Learn how your comment data is processed.

%d bloggers like this: