Karta di Parlamentario Curtley Obispo dirigi na Minister di Desaroyo Ekonómiko, señor Kenneth Gijsbertha ku tópiko: Status di kuentanan anual pendiente di Buskabaai N.V. i Curaçao Dokmaatschappij Holding N.V.

Posted by

Minister di Desaroyo Ekonómiko  

Señor Kenneth Gijsbertha

Pietermaai #17/Pietermaai 4-4A

Djaweps, 4 aprel 2019

Tópiko:  Status di kuentanan anual pendiente di Buskabaai N.V. i Curaçao Dokmaatschappij Holding N.V.

Apresiabel señor Minister Kenneth Gijsbertha,

Duna kuenta i rason na tempu ta konta tambe pa kompanianan anónimo ku Pais Kòrsou tin akshon aden. Tur kompanianan anónimo ku Pais Kòrsou tin akshon aden, segun nan statutonan i tambe lei di Corporate Governance, mester kumpli i entrega tur aña na tempu nan kuenta anual audita (“gecontroleerde jaarrekening”) i raporta over di funshonamentu di Corporate Governance na nan akshonista ku ta Pais Kòrsou kual ta wòrdu representá dor di Gobièrnu di Kòrsou.

Aña pasa riba 14 sèptèmber 2018, nos Frakshon di PAR den Parlamento di Kòrsou den un komunikado di prensa a indiká ku entre otro i mi ta sita: “Gobièrnu di Kòrsou mester sigui motivá su kompanianan anónimo i fundashonnan pa nan entrega nan kuenta anual te ku 2017 na tempu den aña 2018. No ta aseptabel ku ainda tin sierto kompanianan anónimo i fundashonnan di Gobièrnu ku no a entrega nan kuenta anual te ku aña 2017. Kompanianan i fundashonnan di Gobièrnu di Kòrsou mester ta responsabel i mester duna kuenta i rason den ménos ku seis (6) luna despues di e aña 2017 na Gobièrnu.  Den aña 2019 nos ta spera ku kompanianan òf fundashonnan di gobièrnu lo sòru di kumpli i entrega nan kuenta anual 2018 promé ku 1 yüli 2019”.

Den e Rapòrt di Maneho Finansiero di Pais Kòrsou di Yanüari 2019 (FMR Yanüari 2019) mi a tuma nota ku te ainda Buskabaai N.V. i Curaçao Dokmaatschappij Holding N.V. no ta kumpliendo ku entrega nan kuenta anual na tempu na Gobièrnu di Kòrsou. A base di e lei di Corporate Governance i tambe statutonan di e kompanianan ariba menshoná mi ta aserka Minister di Desaroyo Ekonómiko ku e siguiente preguntanan, hasiendo uso di mi derecho komo parlamentario pa hasi pregunta konforme artíkulo 96 di Reglamentu di Orden di Parlamento di Kòrsou:

    1. Buskabaai N.V.:
      1. Kiko ta e motibunan konkreto ku Buskabaai N.V. segun e FMR Yanüari 2019 bijlage 5, no a entrega su kuentanan anual audita di añanan 2016 i 2017 na Gobièrnu di Kòrsou?
      2. Ki dia Parlamento di Kòrsou lo risibí di Gobièrnu di Kòrsou e kuentanan anual audita di añanan 2016 i 2017 di Buskabaai N.V?.

 

  • Curaçao Dokmaatschappij Holding N.V.:

 

    1. Kiko ta e motibunan konkreto ku Curaçao Dokmaatschappij Holding N.V. segun e FMR Yanüari 2019 bijlage 5, no a entrega su kuentanan anual audita di añanan 2014, 2015, 2016 i 2017 na Gobièrnu di Kòrsou?
    2. Ki dia Parlamento di Kòrsou lo risibí lo risibí di Gobièrnu di Kòrsou e kuentanan anual audita di añanan 2014, 2015, 2016 i 2017 di Curaçao Dokmaatschappij Holding N.V.?.

Atentamente,
Potret 2019 parlamentario Curtley Obispo

Curtley Obispo

Parlamentario pa Kòrsou

PAR

Advertisements

Leave a Reply

Please log in using one of these methods to post your comment:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

This site uses Akismet to reduce spam. Learn how your comment data is processed.