ROP a konmemorá 40 aña di eksistensia

ROP a konmemorá 40 aña di eksistensia

Geplaatst op 7 Aprel 2019 dor di Ministerio di Tráfiko, Transporte i Planifikashon Urbano

Willemstad – Minister Zita Jesus-Leito huntu ku Servisio pa Planifikashon Urbano (ROP) a konmemorá huntu resientemente, 40 aña di eksistensia di e servisio. Riba 1 di yanüari di aña 1979, ROP, ántes DROV keda instituí despues di tabata forma parti di ántes DOW. 

Den un ambiente ameno i sosial, koleganan di ROP, huntu ku Tim di Maneho di ROP, Sekretario General di VVRP, Direktor di Sektor di Infrastruktura i Planifikashon Urbano, Direktor Interino nobo, i Minister Jesus-Leito, a selebrá i rekordá e echo ku dia promé di yanüari ROP a hasi 40 aña di eksistensia. A rekordá eksperensia di koleganan ku tabata presente ta laborá 40 aña pasa.

ROP ta e organisashon di Gobiernu di Korsou ku ta sòru pa uso duradero i balansa di e espasio di Kòrsou. ROP ta evaluá petishonnan pa desaroyonan urbano nobo i situashonnan aktual pa sòru ku nan ta kumpli ku e nivel di kalidat ku e maneho di Gobièrnu ta stipulá. E responsabilidat di ROP ta konsistí di ordená i duna forma na e espasio públiko di Kòrsou.

Minister Jesus-Leito ta deseá ROP éksito i hopi 40 aña mas den un trayekto nobo pa mehorashon di e servisio pa pueblo di Kòrsou.

Pa tur informashon i desaroyo general di Servisio pa Planifikashon Urbano por bishita e wèpsait na www.vvrp.cw, Facebook página MinisterieVVRP i Instagram MinisterieVVRP.

Advertisements

This site uses Akismet to reduce spam. Learn how your comment data is processed.

error: Content is protected !!
%d bloggers like this: