KÒRSOU TA SIGUI BAI GRANDI DEN FUTBÒL! KÒRSOU NA INDIA KOMO PREPRASHON DI GOLD CUP 2019!

KÒRSOU TA SIGUI BAI GRANDI DEN FUTBÒL!

KÒRSOU NA INDIA KOMO PREPRASHON DI GOLD CUP 2019!

Manera ya ta konosí, nos selekshon nashonal a klasifiká pa e segundo buèlta di Nations League (Liga A) pero tambe pa Gold Cup 2019. Dia 10 di aprel, e sorteo pa Gold Cup 2019 a tuma lugá na Los Angeles, Merka. Den presensia di nos entrenadó Sr. Remco Bicentini, nos hefe di delegashon Sr. Alexander Molina i nos ‘team manager’ Hubertson Pauletta ku a bai pa representá nos durante e sorteo, e diferente gruponan ku lo kompetí a bira konosí.

E 16 paisnan ku ta kompetí den Gold Cup 2019 a keda repartí den 4 grupo (A, B, C ku D) ku ta konsistí di 4 pais. Nos a kai den grupo C huntu ku Honduras, Jamaica i El Salvador.

E siguiente ekiponan ta den e 4 gruponan di Gold Cup 2019;

Grupo A: Mexico, Canada, Martinique ku Cuba

Grupo B: Costa Rica, Haiti, Nicaragua ku Bermuda

Grupo C: Honduras, Jamaica, El Salvador ku Kòrsou

Grupo D: Merka, Panama, Trinidad & Tobago ku Guyana

 

Gold Cup 2019 lo tuma lugá den luna di yüni te yüli 2019 na Merka den diferente stadion, na Costa Rica i tambe na Jamaica.

 

Skema di nos weganan (Grupo C):

 

  Fecha Tim A Tim B Stadion
1 17 yüni 19 Kòrsou El Salvador Independence Park

Kingston (Jamaica)

2   Jamaica Honduras
3 21 yüni 19 El Salvador Jamaica BBVA Compass Stadium

Houston (Merka)

4   Honduras Kòrsou
5 25 yüni 19 Jamaica Kòrsou Bank Of California Stadium

Los Angeles (Merka)

6   Honduras El Salvador

 

Komo preparashon pa Gold Cup, nos a haña un invitashon di India ku tur gastu kubrí pa partisipá na e King’s Cup 2019. Esaki lo tuma lugá di 5 pa 8 di yüni 2019 den Chang Arena Stadium, Buriram, India i ta konta ku partisipashon di Thailand, Vietnam, India ku Kòrsou.

Despues di e torneo aki nos selekshon ta sigui ku e preparashonnan rumbo pa Gold Cup 2019 i e segundo buèlta di Nations Legaue.

 

Nos selekshon tin kompromisonan sumamente importante na kaminda i nos hungadónan ta konta ku bo, komo e di 12 hungadó, pa sigui apoyá i sostené nan!

Keda pendiente pa mas informashon…

 

11 di aprel 2019

This site uses Akismet to reduce spam. Learn how your comment data is processed.

error: Content is protected !!
%d bloggers like this: