PRESIDENTE DI FIFA SR. INFANTINO TA NA KÒRSOU DJABIÈRNÈ 9 DI OUGÙSTÙS 2019 PA INOUGURASHON DI FFK SU FASILIDATNAN NOBO I PUEBLO DI KÒRSOU TA KEDA KORDIALMENTE INVITÁ PA PRESENSIÁ ESAKI!

PRESIDENTE DI FIFA SR. INFANTINO TA NA KÒRSOU DJABIÈRNÈ 9 DI OUGÙSTÙS 2019 PA INOUGURASHON DI FFK SU FASILIDATNAN NOBO I PUEBLO DI KÒRSOU TA KEDA KORDIALMENTE INVITÁ PA PRESENSIÁ ESAKI!

 

Manera ya ta konosí djabièrnè 9 di ougùstùs binidero, e presidente di FIFA, Sr. Gianni Infantino, lo ta na Kòrsou pa inougurá FFK su yerba artifisial i kamerinnan nobo. Esaki lo tuma lugá na tereno di FFK pa 4’or di atardi i pueblo di Kòrsou kompletu ta keda kordialmente invitá pa asisití na e inougurashon aki.  

Sr. Infantino ta sali Suisa, biaha bai Miami pa reuní sigui pa Cayman Island i finalmente yega Kòrsou djabièrnè mèrdia. Despues di su yegada na Kòrsou huntu ku un delegashon di FIFA, nan lo bin FFK pa hasi e inougurashon, reuní ku direktiva di FFK i tene un rueda di prensa. 

Mas anochi nan lo sigui pa e ‘gala dinner’ di Jong Holland, drumi un anochi na Kòrsou i biaha djasabra mainta trempan pa St.Vincent, St.Lucia ku U.S.Virgin Islands. Tur esaki den kuadro di e inougurashon i tambe pa sera konosí ku diferente infrastuktura nobo ku paisnan den Karibe ta desaroyando finansiá pa e programa; FIFA Forward.

Pues un biaha mas pueblo di Kòrsou ta keda kordialmente invitá pa asistí na e inougurashon aki i sera konosí mas di aserka ku Sr. Infantino, presidente di FIFA ku lo ta di bishita na nos dushi isla. 

Advertisements

This site uses Akismet to reduce spam. Learn how your comment data is processed.

error: Content is protected !!
%d bloggers like this: