FUNDASHON ORGANICS riba pia

FUNDASHON ORGANICS riba pia

Den kuadro di un oumento di interes den praktikanan di durabilidat, dia 12 di aprel último, Fundashon Organics ta lanta para riba su pianan. E fundashon tin komo meta pa oumentá konsiensa di e yu di Kòrsou pa e por tin mas vitalidat i un mihó kalidat di bida. I di e forma aki kontribuí na un bahada den gastunan di salubridat públiko.

Tin un kresimentu den nesesidat di i interes den praktikanan dirigí riba durabilidat, ekologia i bienestar aki na Kòrsou. Fundashon Organics ke kontribuí na yena e nesesidat aki dor di ofresé tayer, kurso i tratamentu, pa medio di profeshonalnan lokal i internashonal i tambe boluntario.

Un di e promé proyektonan di e Fundashon ta di lansa un seri di video edukativo tokante agrikultura orgániko i alimentashon saludabel.

Por lo demas, Fundashon Organics tin mas proyekto riba programashon pa e area di prevenshon.

Riba potrèt di robes pa drechi: tesorero Jeanise Gosepa, presidente Shastri Moesker, direktor Syreal Aniceta i sekretario Rubini Dometilie.

Advertisements

This site uses Akismet to reduce spam. Learn how your comment data is processed.

error: Content is protected !!
%d bloggers like this: