Entrante djaluna 15 di aprel sr. Wladimir Kleinmoedig ta responsabel pa Servisio di Skolnan Públiko (DOS)

Entrante djaluna 15 di aprel sr. Wladimir Kleinmoedig ta responsabel pa Servisio di Skolnan Públiko (DOS)

WILLEMSTAD – Servisio di Skolnan Públiko ta e entidat di gobièrnu ku ta responsabel pa e maneho di skolnan públiko di Kòrsou, ku tin un kantidat di skolnan pa enseñansa di fundeshi, enseñansa speshal primario i sekundario, enseñansa sekundario regular manera VSBO, HAVO i VWO. Ademas tin un SBO i un VSBO/HAVO anochi i OSBOD. 

Ora e aktual Minister di Enseñansa, Siensia, Kultura i Deporte (OWCS) a asumí enkargo, ela duna e tarea na SOAB pa kana un trayekto di reklutashon i selekshon di un hefe permanente pa DOS. Esaki ta importante den kuadro di kontinuidat i stabilidat i mehorashon di kalidat di e servisio pa skolnan públiko. 

SOAB a kana e trayekto i a apuntá un komishon di selekshon pa hasi e trabou pa yega na un hefe ku ta kumpli ku e eksigensianan pa hefe di DOS. Fin di yüli 2018 SOAB a entregá su relato final i a informá gobièrnu ku ningun di e kandidatonan ku a solisitá a kumpli ku e eksigensianan. 

Mientras tantu ku SOAB tabata kanando e trayekto pa yega na un hefe pa DOS, Minister di OWCS a hasi petishon na un kolaborador di maneho pa hasi e trabou interino di hefe di DOS temporalmente. E enkargo aki a wòrdu konkluí pa 15 di aprel 2019. 

Entrante 15 di aprel 2019 tin un struktura temporal nobo kaminda sr. Wladimir Kleinmoedig, e aktual Direktor di Sektor di Enseñansa i Siensia, ta alabes responsabel pa guia e servisio di DOS. E ta wòrdu asesorá pa un triunvirato, konsistiendo di sra. Joke King (Enseñansa), sra. Roselyn Zimmerman (Finansa) i Harold Pedro, tur kolaboradornan ku ya kaba ta trahando na DOS.

DOS su personal ta sigui traha duru i ku determinashon pa por logra un mas i mihó enseñansa, kaminda tur mucha i hóben por desaroyá nan mes na nan máksimo potenshal!

 

IMG-20190413-WA0009

Advertisements

This site uses Akismet to reduce spam. Learn how your comment data is processed.

error: Content is protected !!
%d bloggers like this: