FIU ta hasi denunsia na OM Mákelar i bendedonan di outo ku no a registrá na FIU

FIU ta hasi denunsia na OM
Mákelar i bendedonan di outo ku no a registrá na FIU

E siman aki, Ministerio Públiko (OM) a risibi denunsia di Financial Intelligence Unit Curaçao (FIU, konosí antes komo MOT). Despues di un proyekto piloto, FIU a hasi denunsia kontra 44 mákelar i bendedo di outo ku no a registrá serka FIU. Diferente biaha FIU a a manda karta i a sinta tras di e grupo di empresario aki pa nan registra. Registrashon ta obligatorio i esnan ku no ta registra na FIU ta komete un delito.

Ministerio Públiko ta haña registrashon di tur esnan ku tin e deber pa hasi esaki hopi importante. Registrashon ta inisio di responsabilidat di e empresario pa mèldu transakshonnan no usual na FIU. Ta papia di transakshon no usual entre otro ora tin indikashon ku ta trata di labamentu di plaka òf ora paga un montante kèsh ku ta riba e montante preskribí pa lei. Mèldumentu di transakshonnan no usual i hasi investigashon di kliente ta pilarnan importante pa kombati labamentu di plaka i finasiamentu di terorismo. Mèldumentu di transakshonan no usual ta esensial pa difikultá pa kriminalnan por laba plaka obtené dor di aktividatnan kriminal.

Ministerio Públiko ta bai ofresé e 44 mákelar i bendedo di outo un transakshon bou di kondishon ku nan lo registra na FIU. Si esaki wòrdu pagá na tempu, ta evita un seshon públiko den korte penal.
Pa mas informashon tokante kon pa mèldu na FIU por subi e websait http://www.fiucuracao.cw.

This site uses Akismet to reduce spam. Learn how your comment data is processed.

Contact us



Connecting...
created by TelegramWordpress.com
error: Content is protected !!
%d bloggers like this: