MINISTERIO PUBLICO Y LUCHTVAARTONDERZOEKSRAAD A CERA ACUERDO

MINISTERIO PUBLICO Y LUCHTVAARTONDERZOEKSRAAD A CERA ACUERDO

Procurador-General di Aruba Alexander van Dam y e voorzitter di e Junta di Investigacion di Aviacion (Luchtvaartonderzoeksraad) di Aruba Claudio Stamper a firma un acuerdo riba 8 di april ultimo na Aruba.

Ora di un accidente di aviacion, por tin dos investigacion cu por tuma lugar: un investigacion penal pa posibel actividadnan criminal y un otro investigacion door di e Junta di Investigacion pa identifica aprendizahenan di seguridad di aviacion pa asina preveni futuro incidentenan y accidentenan.
E ta un requisito di e Organizacion di Aviacion Civil Internacional (OACI) pa establece acuerdo entre e dos organizacionnan aki pa en caso cu e dos investigacionnan wordo haci simulteanamente.
E protocol ta encera acuerdonan di cooperacion y coordinacion, pa asina garantiza un separacion entre e dos investigacionnan y pa nan no influencia otro.

E negocionannan pa e protocol a cuminza den transcurso di aña cu asistencia di Directie Luchtvaart. Cu e firmamento di e protocol, Aruba awor ta cumpli cu e requisito di OACI en cuestion.

Foto: PG di Aruba y voorzitter di e Junta na momento di firma e acuerdo.

FB_IMG_1555638259061.jpg

This site uses Akismet to reduce spam. Learn how your comment data is processed.

error: Content is protected !!
%d bloggers like this: