Pronóstiko di tempu pa Kòrsou i bisindario bálido te djaluna mainta 06:00 o.l, 22 di aprel 2019.

Pronóstiko

Pronóstiko di tempu pa Kòrsou i bisindario bálido te djaluna mainta 06:00 o.l, 22 di aprel 2019.
Kompilá: djadumingu 21 di aprel 2019, 05:00 o.l. (09:00 UTC).

Tempu: Shelu ta parsialmente nublá i awe kompañá de bes en kuando pa bientu un poko fuerte. Tantu awe i mayan chèns pa áwaseru lo keda mínimal i insignifikante.

Temperatura máksimo lo alkansá 31 ºC i temperatura mínimo 26 ºC.
Solo ta sali 06:21 i ta baha 18:48 o.l.

Bientu: For di direkshon ost i moderá te basta fuerte; forsa 4 te 5 (20 te 39 km/ora, 11 te 21 nudo). Den dia, ráfaga de bes en kuando te fuerte; forsa 6 te 7 (40 te 60 km/ora, 22 te 33 nudo). 

Situashon general: Awe bientu ta supla un poko fuerte ainda, pero ta antisipá ku esaki ta mengua durante mayan i bira relativamente mas suak. Mas aleu durante oranan di mainta un áwaseru por desaroyá, pero esaki lo ta di poko importansia.

Kondishon di laman: Moderá ku altura di olanan entre di 1 i 2 meter (3 te 6 pia).

Fenómeno spesial: Durante di awe i djaluna (21 i 22 di aprel) 12:34 pm, e posishon di solo lo ta esun mas haltu i règt riba Kòrsou (e asina yamá zenit) Esaki ta sosodé na momento ku e solo, mirá for di tera, ta move di sùit pa nort. E momento ey nos isla lo eksperimentá e rayonan mas fuerte di solo. E fenómeno kustumbrá aki ta sosodé un bes mas riba dia 20 i 21 di ougùstùs, ora ku e solo mirá for di tera ta bai regresa bèk sùit.

Perspektiva te djamars mainta: Por lo general parsialmente nublá i tin posibilidat un poko mas grandi pa algu di awa.

Meteorólogo: Statia