Advertisements

MFK: Reunion públiko ku karakter di urgensia relashoná ku lei di screening i lei di sekresia di Screening

Willemstad, 23 aprel 2019

 

Na Presidente di Parlamento

Señor  W. Millerson

p/a Wilhelminaplein # 4

Presente

Tópiko: Reunion públiko ku karakter di urgensia relashoná ku lei di screening ku ta atendé ku kantidat Minister i tambe lei di sekresia di “Centrale Bank van Curaçao en St. Maarten” (CBCS), ku a keda gravemente violá  

Señor Presidente,

Frakshon di MFK a tuma nota den medionan di komunikashon i tambe komunikado di prensa di entre otro CBCS, a keda gravemente violá. Esaki ta trese kuné ku un biaha mas CBCS ta bira tópiko di kombersashon, e biaha aki ku konsekuensia grave pa integridat i sekresia di CBCS. Komo konsekuensia di esaki nòmber di pais Kòrsou i tambe di St. Maarten ta keda mancha pa e susesonan aki ku un biaha mas a bolbe tuma lugá den CBCS.

Frakshon di MFK a konstatá ku e lei di sreening pa kantidat Minister tambe a keda violá, debí ku datonan di e kandidato pa bira Minister a sali for di CBCS i a wòrdu manda pa e minister di finansa Kenneth Gijsbertha, e informashonnan aki a keda eksponé riba kaya den publisidat di un manera inaseptabel i asina violando e lei di sekresia di CBCS.

Esaki ta un suseso hopi lamentabel ku un karta sali for di CBCS pa Minister Gijsbertha ta bin resultá den prensa i esnan responsabel ta sinta ku nan man krusa sin ta tuma ningun sorto di akshon pa di e moda ei hasi e daño mas chikitu ku ta posibel pa nòmber di CBCS, Kòrsou i di St. Maarten.

Frakshon di MFK konforme artíkulo 64 insiso 4 di nos Reglamento di Ordu ta pidi bo persona pa konvoká un reunion ku karakter di urgensia pa asina Parlamento debatí i tuma akshon konkreto pa restablesé e konfiansa i integridat bek den CBCS.

Meskos tambe ta konta pa e violashon di e lei di screening, Parlamento den e kaso aki tambe mester asumí su responsabilidat pa atendé seriamente ku e violashonnan di leinan di nos pais pa asin’aki hamas e susesonan aki por ripití nan mes.

Pa e reunion en aki nos frakshon ta pidi pa Minister Presidente Eugene Rhuggenaath ku ta esun ku ta enkargá pa e lei di screening no wòrdu violá i tambe Minister Gijsbertha enkargá ku CBCS.

Frakshon di MFK ta pidi Presidente di Parlamento pa pidi e Ministernan konserní pa manda tur dokumentunan relevante di e kaso aki pa Parlamento promé ku e reunion.

Mirando e gravedat di e kaso aki i tambe kaminda leinan, reglanan i proseduranan  di pais Kòrsou i St. Maarten a keda violá i pa e imágen di CBCS. Frakshon di MFK ta spera ku Presidente di Parlamento ta mira e seriedat di henter e asuntu aki i konforme Reglamentu di Ordu e honra nos petishon den dos biaha 24 ora.

Ta pais Kòrsou i St. Maarten ta den diskushon públiko un biaha mas pero e biaha aki no riba e tereno lokal so pero tambe riba e tereno internashonal. Pa frakshon di MFK e violashon di leinan, reglanan i prosedura aki ta inaseptabel i ku mester pone esnan ku a violá e leinan, reglanan i prosedura responsabel pa esaki.

Atentamente,

Na nòmber di frakshon di MFK

Gilmar Pisas Gilbert Doran

Juniël Carolina

Petishon - Reunion urgente relashona ku lei di screening i CBCS-page-001

Petishon - Reunion urgente relashona ku lei di screening i CBCS-page-002

Advertisements

This site uses Akismet to reduce spam. Learn how your comment data is processed.

error: Content is protected !!
%d bloggers like this: