Último chèns pa gana un kuenta di spar ‘Tesorito’ ku ANG 125.00

Muchanan por partisipá te dia 30 di aprel próksimo

WILLEMSTAD:  E kompetensianan di “Tesorito” di Banco di Caribe ta yegando nan final. Resientemente Banco di Caribe a invitá tur mucha entre 4 pa 17 aña pa partisipá na un kompetensia di arte òf baile pa selebrá aniversario di “Tesorito”. Ta falta ménos ku 1 siman pa por partisipá, ku chèns pa gana un kuenta di spar “Tesorito” ku ANG 125.00.

Pa partisipá ta masha fásil;  mucha entre 4 pa 11 aña por krea un arte ku e plachi di klùr di “Tesorito” ku ta disponibel na tur filial di Banco di Caribe na Kòrsou òf print esaki fásilmente via www.bancodicaribe.com. Por entregá e arte na un di e filialnan te dia 30 di aprel próksimo.   Mucha di 12 pa 17 aña por graba un video di un baile kreativo trahá riba e jingle di “Tesorito”. E jingle ta disponibel riba e página di Facebook di Banco di Caribe. Unabes e video ta grabá, poné riba bo página di Facebook personal i ‘tag’ Banco di Caribe den dje usando e hashtag #BdCTesoritoChallenge. Tur video ku wòrdu di ‘post’ te dia 30 di aprel ta partisipá. Bishitá Banco di Caribe su wèpsait www.bancodicaribe.com pa tur e kondishonnan ku mester kumpli kuné pa por partisipá. Lo anunsiá e ganadónan dia 7 di mei 2019 riba Banco di Caribe su página di Facebook.  

press Tesorito

This site uses Akismet to reduce spam. Learn how your comment data is processed.

error: Content is protected !!
%d bloggers like this: