Promé Minister Rhuggenaath na St.Maarten pa Konsulta di Relashonnan Eksterior di Reino / Minister-President Rhuggenaath naar St.Maarten voor jaarlijks Koninkrijksoverleg Buitenlandse Betrekkingen

Promé Minister Rhuggenaath na St.Maarten pa Konsulta di Relashonnan Eksterior di Reino

Geplaatst op 29 Aprel 2019 dor di Ministerio di Asuntunan General i Promé Minister

WILLEMSTAD – Promé Minister Eugene Rhuggenaath a biaha awe pa St.Maarten pa asistí na e Konsulta di Relashonnan Eksterior di Reino 2019. E Konsulta di Relashonnan Eksterior di Reino ta un konsulta ku ta tuma lugá anualmente i ku ta fungi komo base pa yega na resultado di tareanan ku tin di haber ku e maneho di eksterior di Reino Hulandes.

Na e konsulta ta partisipá e Promé Ministernan di Aruba, Kòrsou i St.Maarten i e Minister di Asuntunan Eksterior, ku ta pone ku tur kuater país ta haña e oportunidat pa atendé nan interesnan i huntu yega na sinkronisashon. E kombenionan di trabou ku ta palabrá durante di e konsulta ta duna klaridat riba e fokùs sinkronitativo pa loke ta e esfuersonan den kuadro di relashonnan eksterior.

Riba agènda tin e aña akí entre otro e fokùs geográfiko, siguridat i situashon ku Venezuela mirando e desaroyonan di último tempu. Banda di esei ta pone atenshon na determinashon di e ròl di Reino pa loke ta e problemátiko di Venezuela. Ademas lo para ketu na e interesnan di Union Oropeo relashoná ku posishon di e LGO – nan i presidensia di OCTA. Por último, pero no ménos importante, lo toka e tema tokante kolaborashon regional kaminda ta elaborá riba miembresia di organisashonnan regional karibense ku e paisnan ta aspirá pa forma parti di dje.

Pa Kòrsou e Konsulta di Relashonnan Eksterior di Reino ta duna espasio pa promové e kolaborashon i sinkronisashon ku partnernan di Reino. Aparte di esei Gobièrnu di Kòrsou ta haña mihó noshon di e temanan ku ta di importansia pa e otro paisnan den Reino. Durante di e konsulta Promé Minister di Kòrsou lo hasi uso tambe di e oportunidat pa hiba kombersashonnan bilateral i trilateral ku representantenan di e otro paisnan den Reino. Na final di e Konsulta di Relashonnan di Eksterior ta tuma lugá un konferensha di prensa kaminda tur pais lo wak bèk riba e diferente akuerdonan ku a hasi, ku e meta pa komuniká esaki na komunidat.

Promé Minister Rhuggenaath lo regresá Kòrsou awe mes huntu ku Minister di Asuntunan Eksterior, Sr. Stef Blok, pa asina por kontinuá nan kombersashonnan bilateral mañan 30 di aprel.

 


 

Minister-President Rhuggenaath naar St.Maarten voor jaarlijks Koninkrijksoverleg Buitenlandse Betrekkingen

Geplaatst op 29 april 2019 door Ministerie van Algemene Zaken en Minister President

WILLEMSTAD – Minister-president Eugene Rhuggenaath is vandaag naar St.Maarten afgereisd om het Koninkrijksoverleg Buitenlandse Betrekkingen 2019 bij te wonen. Het Koninkrijksoverleg Buitenlandse Betrekkingen (KOBB) is een jaarlijks terugkerend overleg dat als basis fungeert voor de uitwerking van de taken die te maken hebben met het buitenlands beleid van het Koninkrijk der Nederlanden.

Aan het KOBB participeren de minister-presidenten van Aruba, Curaçao en Sint Maarten en de minister van Buitenlandse Zaken, waardoor alle vier landen de afstemmingsgelegenheid krijgen om hun belangen te behartigen. De werkafspraken die tijdens het overleg gemaakt worden geven duidelijkheid over de afgestemde focus voor de inspanningen in het kader van buitenlandse betrekkingen.

KOBB 2019 heeft als agendapunt o.a. de geografische focus, veiligheid en de situatie met Venezuela gezien de ontwikkelingen van de afgelopen tijd. Daarnaast wordt aandacht besteed aan de verder invulling van de rol van het Koninkrijk met betrekking tot de Venezuela problematiek. Verder zal men tijdens het KOBB overleggen over de belangen van de Europese Unie (EU) gelinkt aan de positie van de LGOs en het voorzitterschap van de OCTA. Als laatste maar niet minder belangrijke punt, zal ingegaan worden op het thema regionale samenwerking waarbij het (beoogde) lidmaatschap aan Caribische regionale organisaties besproken zal worden.

Voor Curaçao biedt het KOBB de gelegenheid om samenwerking en afstemming met de Koninkrijkspartners te bevorderen. Bovendien krijgt de regering van Curaçao inzicht in de thema’s die van belang zijn voor de andere Koninkrijkslanden. De minister-president van Curaçao maakt gebruik van het moment om naast de KOBB bi- en trilaterale gesprekken met de vertegenwoordigers van de andere Koninkrijkslanden te houden. De KOBB wordt afgesloten met een persconferentie waarin alle landen de kans krijgen om terug te blikken op de gemaakte afspraken met als doel om deze naar het publiek toe te communiceren.

Minister-president Rhuggenaath zal vandaag weer naar Curaçao terugkeren samen met Minister van Buitenlandse Zaken, Dhr. Stef Blok, om morgen 30 april de bilaterale gesprekken voor Curaçao voort te zetten.

 

gobiernu

Advertisements

This site uses Akismet to reduce spam. Learn how your comment data is processed.

error: Content is protected !!
%d bloggers like this: