Minister Armando Rudy Lampe: SEÑORA CARMEN HERRERA AUTOR DI “BISA NO! CORE BAY Y KEH’E”: Un metodo di conscientisacion di abuso di menor pa scolnan basico

Minister Armando Rudy Lampe:

SEÑORA CARMEN HERRERA AUTOR DI “BISA NO! CORE BAY Y KEH’E”:

Un metodo di conscientisacion di abuso di menor pa scolnan basico

Den e Conferencia di Prensa di Gobierno di Aruba diahuebs mainta, Señora Carmen Herrera a amplia riba e realisacion di e metodo di conscientisacion di abuso di menor pa scolnan. Señora Herrera ta activo caba desde 1993 den diferente proyecto di conscientisacion. El a produci un obra teatral specifico pa kibra e taboo rond di abuso sexual di menornan y a presenta esaki na scolnan. E produccion aki ta enfoca riba con pa yuda e mucha di scol preveni posibel abuso riba un manera educativo musicalmente. Tambe, for di e obra teatral aki, Señora Herrera a traha un buki, cantica y leesplaatjes cu ta disponibel na tur scol publico. Maestronan por yuda e alumonan “Bisa No! Core bay y Keh’e” via e programa aki.

E meta no ta pa spanta e mucha, Señora Herrera a splica, pasobra “Tin hopi mas hende bon cu hende malo”. Y e ta sumamente nesesario pa duna e muchanan e hermentnan pa nan por evita y preveni di bira victimanan di abuso. E methodo ta consisti di diferente les basa riba e obra teatral y e canticanan. Tur esaki ta un formula pa conscientisa nos menornan pa cu e realidad peligroso cu tur e pedofilnan riba Aruba.

Minister Rudy Lampe a expresa di ta sostene e metodo di conscientisacion di abuso di menor na scolnan cu ta siña nos muchanan for di un edad tempran cu tin peligernan eyfo y con pa “Bisa No! Core bay y Keh’e”.

Carmen Herrera

This site uses Akismet to reduce spam. Learn how your comment data is processed.

error: Content is protected !!
%d bloggers like this: