Hóbennan ta tuma inisiativa pa frena desempleo.

Kòrsou, 7 di mei 2019
Fundashon konstruyendo un mihó Kòrsou a uni ku un grupo di
hóben profeshonal prekupá pa e situashon aktual. Huntu nos a
tuma inisiativa pa aportá na ekonomia frenando desempleo na
Kòrsou. Ku e meta aki nos a organisá un programa interesante
titulá,…. ‘Professional Plus’.
Lo tin 2 programa: un programa pa empoderá e profeshonal ku tin difikultat pa konektá ku merkado laboral i e otro pa ekipá e profeshonal ku ke ta un empresario.
‘Professional plus’ su enfoke no ta solamente riba konosementu, sino tambe riba e abilidat i karakterístikanan personal ku ta nesesario profeshonalnan tin un karera eksitoso. Tur esaki ku énfasis riba un bida ku propósito.
Durante di e enkuentronan di dia 7 i 8 di yüni próksimo profeshonalnan ta interkambiá konosementu i eksperensia ku otro. Nos ta balorá konosementu i eksperensia di e grandinan ku a bai nos dilanti i ta apresiá e dinamismo di e generashon hóben. Pa e motibu aki nos oradornan ta repartí den diferente edat i ekspertisio. E orador prinsipal di e dianan aki ta Sr. Caryl Monte. Aparte di sr. Monte nos tin Lysandro
Inacio, Shanny Sommer, Corine Clementina – Blom, Anne – Maarten de Vries i mas.
Aparte di e 2 dianan di enkuentro edukativo ‘Professional Plus’ ta ofresé partisipantenan un mundu diposibilidat.

Entre otro;
1. Haña trabou serka e diferente kompanianan ku lo ta presente.
2. Laga drecha/ kontrolá CV.
3. Saka potrèt profeshonal pa CV.
4. Kompetensia ‘Best businessplan’ ku rekompensa!
5. Oportunidat pa netwerk.
Pa nos komo organisadó ta un satisfakshon di por mira mas profeshonal eksitoso. Ku e meta aki na bista
nos a organisá un aktividat NO komersial di 2 dia, na WTC, inkluso lùnch pa solamente Naf 50,-.
Karchinan ta na benta na ‘House of Health’(Sta. Rosaweg unit 107 c), ‘24uur uit de muur’ i ‘Mensing Caminada’. Chek nos Face Book Page: Professional Pluss 2019.
Pa mas informashon yama Sidayen van Tijs – Senora Tel; 522-6694 òf app: +59996969400.