GMN ta sostené kolega Irvin Jano ku su komposishon relashoná medio ambiente

Pa final Festival di Tumba,

Ministerio GMN ta sostené su empleado Irvin Jano ku su komposishon relashoná medio ambiente

Willemstad –  Nos a yega entre tantu e último anochi di Festival di Tumba 2020 i Ministerio di Salú, Medio Ambiente i Naturalesa (GMN) ta orguyoso ku partisipashon di su empleado Irvin “Luwi” Jano. E aña aki Jano a bini ku tremendo komposishon ku ta konsientisá komunidat pa tene kuenta ku medio ambiente kual ta un di e tareanan primordial di Ministerio GMN. Ministerio GMN kompletu lo sostené Irvin “Luwi” Jano i ta dese’é tur klase di éksito den final di Festival di Tumba 2020.

Irvin “Luwi” Jano a yega di keda koroná komo Rei di Tumba na 3 okashon. E promé biaha tabata na 1993, despues na 1998 i e último biaha tabata na 2018 ku e tremendo komposishon “Sendé Sendé”.