Minister Ruiz-Maduro a reuni cu Aduana y Asycuda pa por brinda un mihor servicio na comercio

Minister Ruiz-Maduro a reuni cu Aduana y Asycuda pa por brinda un mihor servicio na comercio

ORANJESTAD – E siman aki Minister Ruiz-Maduro a reuni cu Aduana y cu representantenan di Asycuda, cual ta e sistema computerisa cu ta wordo usa na Aduana. Meta di e reunion tabata pa haya informacion riba e avansenan den e trabou Aduanero por medio di e aplicacion aki y pa haya sa cual funcionalidad mas ta disponibel pa asina por facilita e trabou Aduanero y e servicio na comercio.

Gobierno a bin ta haci inversion cuantioso den e sistema na Aduana pa asina por brinda un servicio mas eficiente na comercio. E sistema di Asycuda ta brinda mas functionalidad pa por facilita comercio local y internacional y pesey hunto cu Gobierno su Chief Officer pa Inovacion, sra. Varely Croes, den cuadro di e proyecto di digitalisacion di gobernacion, a reuni riba e posibilidadnan cu ta existi pa por conecta e sistema di Aduana cu mas departamento di Gobierno cu e meta pa crea eficiencia y brinda un mihor servicio na comunidad y comercio na Aruba.

 

This site uses Akismet to reduce spam. Learn how your comment data is processed.

error: Content is protected !!
%d bloggers like this: