Pronóstiko di tempu pa Kòrsou i bisindario bálido te djasabra mainta 6:00 o.l, 11 di mei 2019.

Pronóstiko

Pronóstiko di tempu pa Kòrsou i bisindario bálido te djasabra mainta 6:00 o.l, 11 di mei 2019.
Kompilá: djabièrnè 10 di mei 2019, 05:00 o.l. (09:00 UTC)

Tempu: Shelu ta sigui temporalmente basta nublá i awe wer lo ta seku. No opstante esaki, awa lo kai lokalmente riba djasabra.

Temperatura máksimo lo alkansá 30 ºC i temperatura mínimo 26 ºC.
Solo ta sali 06:13 i ta baha 18:51 o.l.

Bientu: For di direkshon generalmente ost i moderá te basta fuerte; forsa 4 te 5 (20 te 39 km/ora, 11 te 21 nudo). Den dia, ráfaga de bes en kuando te posiblemente fuerte; forsa 6 (40 te 50 km/ora, 22 te 27 nudo).

Situashon general: E preshon haltu nortost di nos riba Osean Atlántiko ta ekstendé debil mente riba Laman Karibe i ta sòru pa bientu i kondishon di laman sigui moderá. Un disturbio ta move awe poko-poko riba e parti oriental di Karibe i miéntras esaki ta aserká, e lo trese mas nubia i ménos bientu ku posibel áwaseru den nos área di pronóstiko pa e próksimo fin di siman.

Kondishon di laman: Moderá ku altura di ola entre 1 i 1.5 meter (3 pa 5 pia).

Fenómeno spesial: Ningun.

Perspektiva te djadumingu mainta: Hopi nublá i algu di awa lo por sigui kai.

Meteorólogo: Coffie.