CFT TA DUNA KONSEHO POSITIVO PA KU RELATO FINANSIERO DI E DI TRES KUARTAL DI ANA 2016

CFT TA DUNA KONSEHO POSITIVO PA KU RELATO FINANSIERO DI E DI TRES KUARTAL DI ANA 2016

Kralendijk – College Financieel Toezicht Bonaire, Sint Eustatius i Saba (CFT) a risibí riba 31 di òktober di kolegio ehekutivo di Bonaire e di tres reportahe di ehekushon. CFT ta basa su reakshon riba e siguiente puntonan: Ehekushon di presupuesto, maneho finansiero, likides i personal. Pa loke ta ehekushon di presupuesto, Entidat Públiko Bonaire a presentá ku lo a generá te ku di tres kuartal di 2016 un suma di $40.722.356 i e gastunan ta $35.374.309 loke ta nifiká un saldo positivo di $5.348.047. E espektativa ta pa sera e presupuesto ku e suma di $58.712.702 i gastunan di $58.712.702. CFT su opinion riba e di tres kambio di presupuesto, ta positivo. CFT ta rekomendá Entidat Públiko Bonaire, mirando ku Servisio di Impuesto su sifranan di sèptèmber no ta inkorporá den e reportahe di ehekushon, pa yega na un totalidat di método pa medio di kua por inkorporá tur entrada di kada kuartal den e siguiente reportahe di ehekushon. Riba e punto di maneho finansiero CFT ta trese dilanti ku e akuerdonan será ku SOAB, Deloitte Dutch Caribbean, DC Consultancy, Baker Tilly Curaçao i KPMG pa ehekushon di mehoransa di e maneho finansiero, ta forma un base pa yega na proposishonnan pa mehorá i stipulá e prosedementu i proseso. Koperashon ku e kompanianan menshoná ta di sumo importansha pa logra un mihó maneho finansiero. Pa fin di 2016 e trayekto mester ta finalisá. Implementashon mester kuminsá na 2017 i kondusí na un organisashon interno ku ta sufisiente pa logra un deklarashon di aprobashon di akountent. Puntonan di atenshon pa CFT ta e parti di reforsá e sekshon di Finansa. E desaroyo den yenamentu di e diferente vakatura, ku ta esensial den funshonamentu den e organisashon, ta parse di a stagna den último lunanan. Konseho di CFT ta, pone atenshon pa yena, mas pronto ku ta posibel, e vakaturanan den e funshonnan kritiko. CFT ta konstatá ku e posishon di likides di Entidat Públiko Bonaire a drecha i ta konsehá pa sigui riba e kaminda ku a inisiá. Un maneho kuidadoso enkuanto e posishon di likides ta yuda krea espasio pa si presentá problemanan di likides i ta yuda kanselá debenan di tèrminonan kòrtiku. Enkuanto e parti di personal CFT ta mustra ku e kantidat di trahadó a keda dentro di e presupuesto di 2016.

gobiernu-di-bonaire

This site uses Akismet to reduce spam. Learn how your comment data is processed.

Contact us



Connecting...
created by TelegramWordpress.com
error: Content is protected !!
%d bloggers like this: