GOBIERNU LO ANDA KOUTELOSO KU PETISHONNAN DI PLAN DI DESAROYO / DE OVERHEID ZAL TERUGHOUDEND OMGAAN MET VERZOEKEN TOT WIJZIGING VAN HET ROB

GOBIERNU LO ANDA KOUTELOSO KU PETISHONNAN DI PLAN DI DESAROYO

Kralendijk – Kolegio Ehekutivo di entidat públiko Boneiru ta partisipá ku desde awe lo anda hopi kouteloso ku petishonnan pa kambio di e Plan di Desaroyo Espasial di Boneiru (Ruimtelijk Ontwikkelingsplan Bonaire – ROB) ku e fin di establesé snèk i negoshi di horeka den barionan residensial. E motibu pa e koutela aki ta e importansia ku Kolegio Ehekutivo ta duna na un ambiente di biba sigur i trankil pa su habitantenan. Negoshi di horeka den barionan residensial regularmente ta sòru pa molèster i Kolegio Ehekutivo ke prevení ku den futuro ta surgi situashonnan di molèster nobo.

Pa e motibu aki Kolegio Ehekutivo a disidí pa apliká su kompetensia pa kambia e destinashon di parselanan dentro di e destinashon ‘area residensial I – woongebied I’ konforme artíkulo 52.5.5 di ROB ku gran koutela. Aparte di e echo ku mester traha sufisiente lugá di parker, den futuro lo imponé komo kondishon èkstra ku un parsela pa kua a pidi un kambio di destinashon mester ta situá na un kaya prinsipal konforme e ROB. Banda di esei e distansia te na e bibienda di mas serka mester ta por lo menos 50 meter.

Hasiendo e kondishonnan mas estrikto di e manera aki Kolegio Ehekutivo ta intenshoná pa salbaguardiá seguridat i trankilidat den barionan residensial di nos isla. E echo ku ta hasi e kondishonnan pa establesé negoshinan di horeka mas estrikto por sierto no tin konsekuensia pa e negoshinan di horeka ku ya kaba ta establesé den barionan residensial. Ta trata solamente di e evaluashon di petishonnan nobo pa kambio di e ROB.

No opstante ku ta hasi e kondishonnan mas estrikto ta sobra sufisiente sitio kaminda negoshinan di horeka por establesé nan mes konforme e ROB. E reglanan mas estrikto aki ta konta solamente ora ke establesé den barionan residensial.

DE OVERHEID ZAL TERUGHOUDEND OMGAAN MET VERZOEKEN TOT WIJZIGING VAN HET ROB

Kralendijk – Het bestuurscollege van het openbaar lichaam Bonaire maakt bekend dat met ingang van heden zeer terughoudend zal worden omgegaan met verzoeken tot wijziging van het Ruimtelijk Ontwikkelingsplan Bonaire (ROB) ten behoeve van het vestigen van snacks en horecabedrijven in woonwijken. De reden voor deze terughoudendheid is het belang dat het bestuurscollege hecht aan een veilige en rustige woon- en leefomgeving voor haar inwoners. Horecabedrijven in de woonwijken zorgen regelmatig voor overlast en het bestuurscollege wil voorkomen dat er in de toekomst nieuwe overlastsituaties ontstaan.

Om deze reden heeft het bestuurscollege besloten om haar bevoegdheid om de bestemming van percelen binnen de bestemming ‘woongebied I’ op grond van artikel 52.5.5 van het ROB te wijzigen voor horecadoeleinden in de toekomst met grote terughoudendheid toe te passen. Behalve dat er voldoende parkeerplaatsen moeten worden aangelegd, wordt in de toekomst als extra voorwaarde gesteld dat een perceel waarvoor een bestemmingswijziging wordt aangevraagd moet zijn gelegen aan een hoofdweg op grond van het ROB. Daarnaast moet de afstand tot de meest nabij gelegen woning ten minste 50 meter bedragen.

Met deze aanscherping van de voorwaarden streeft het bestuurscollege naar het waarborgen van de veiligheid en rust in de woonwijken van het eiland. De aanscherping van de voorwaarden voor het vestigen van horecabedrijven heeft overigens geen gevolgen voor de horecabedrijven die reeds in de woonwijken zijn gevestigd. Het gaat alleen om de toetsing van nieuwe aanvragen voor wijziging van het ROB.

Ondanks het aanscherpen van de voorwaarden, blijven er nog voldoende locaties over waar horecabedrijven zich op grond van het ROB kunnen vestigen. Deze aangescherpte regels hebben alleen betrekking op vestigingen in de woonwijken.