KONSTRUKSHON DI DAM PA WANTA OLA DI LAMAN NA CAI / AANLEG STREKDAM BIJ CAI

KONSTRUKSHON DI DAM PA WANTA OLA DI LAMAN NA CAI

 

Kralendijk – Otro siman Entidat Públiko Boneiru ta kuminsá ku trabounan pa protehá e kaminda ku ta duna akseso na Lac Cai. Olanan di laman ta menasá di kibra e kaminda bai kuné. Konstrukshon di un dam pa wanta ola di laman mester prevení esaki.

 

E último añanan bastante parti di tera a disparsé den laman na altura di e kaminda ku ta bai Cai. Gobièrnu ke para e proseso aki, pasobra sino Cai lo bira inalkansabel. Patras di e kaminda tin e área di awa konosí komo ‘Pariba di Cai’. Si laman logra drenta e área aki, esei lo kambia henter e struktura i siklo di awa di Lac. Esaki lo tin konsekuensianan grandi pa naturalesa den área di Lac.

 

Gobièrnu a laga hasi investigashon. For di e investigashon aki a resultá ku konstrukshon di un dam pa wanta ola di laman ta e mihó solushon pa protehá e área aki. For di 20 di mei nos ta kuminsá ku e trabounan di preparashon i mesora despues di esaki ta konstruí e dam nobo pa wanta ola di laman. Henter e trabou lo dura mas òf menos 6 siman.

 

E kaminda ku ta duna akseso na Cai lo keda habrí mas tantu posibel. Pa traha e dam pa wanta ola di laman ta usa material di nos isla mes. Esaki ta sostenibel i ta redusí gastu. Ku trùk ta transportá e piedranan hiba e sitio. Naturalmente nos ta purba limitá molèster di transporte i di e trabounan mas tantu posibel i nos ta pidi Bo komprenshon pa e trabounan planiá.       

 

Konstrukshon di e dam pa wanta ola di laman ta sosodé riba enkargo di Entidat Públiko Boneiru i e finansiamentu ta bini di fondonan di naturalesa ku Reino a pone disponibel.

 

Pa mas informashon tokante e proyekto aki i otro proyektonan di naturalesa wak: www.bibadinaturalesa.com

 

AANLEG STREKDAM BIJ CAI

 

Kralendijk – Volgende week start het openbaar lichaam Bonaire met de werkzaamheden om de toegangsweg naar Lac Cai te beschermen. De weg dreigt door de golven te worden opgeslokt. De aanleg van een strekdam moet dit voorkomen.

 

De afgelopen jaren is ter hoogte van de toegangsweg naar Cai al flink wat land in zee verdwenen. De overheid wil dit proces stoppen omdat Cai anders onbereikbaar zal worden. Achter de weg ligt het watergebied ‘Pariba di Cai’. Als de zee een doorbraak naar dit gebied veroorzaakt, zal dat de hele waterhuishouding van Lac veranderen. Dit zal grote gevolgen zal hebben voor de natuur in het Lac-gebied.

 

De overheid heeft onderzoek laten doen. Hieruit blijkt dat de aanleg van een strekdam de beste oplossing is om het gebied te beschermen.  Vanaf 20 mei starten we met de voorbereidende werkzaamheden en aansluitend wordt de nieuwe strekdam gebouwd. Het totale werk zal ongeveer 6 weken duren.

 

De toegangsweg naar Cai zal zoveel mogelijk open blijven. Voor de strekdam wordt materiaal van het eiland zelf gebruikt. Dit is duurzaam en bespaart in de kosten. De stenen worden met vrachtwagens aangevoerd. Uiteraard proberen we de overlast van transport en de werkzaamheden zoveel mogelijk te beperken en vragen uw begrip voor de geplande werkzaamheden.

De aanleg van de strekdam wordt uitgevoerd in opdracht van het openbaar lichaam Bonaire en gefinancierd met de natuurgelden die het Rijk beschikbaar heeft gesteld.

 

Zie voor meer info over dit project en andere natuurprojecten: www.bibadinaturalesa.com

Advertisements

This site uses Akismet to reduce spam. Learn how your comment data is processed.

error: Content is protected !!
%d bloggers like this: