Minister Ruiz-Maduro di Economia: Un exitoso Business Week di Exprodesk pa facilita e comercio den industria creativo

Minister Ruiz-Maduro di Economia:
Un exitoso Business Week di Exprodesk pa facilita e comercio den industria creativo
ORANJESTAD – Diabierna Minister Ruiz-Maduro a haci entrega di certificado na e participantenan di e Business Week 2019 ‘Conquering New Horizons’ organisa pa Exprodesk di Departamento Economico. Durante un siman, esnan activo den e industria creativo como exportadornan awor of den futuro, artistanan, artesanonan y dunador di servicio, a trata diferente tema practico pa yuda nan ta exitoso den nan negoshi. A trata e temanan di E-commerce y Online Payment, Belasting, Micro Financiamento y derechonan di propiedad intelectual. Un total di 65 empresario a registra y un total di 35 persona promedio a asisti na e 9 diferente tayer di trabou cu a wordo ofreci.
Negoshi chikito y mediano ta weso di lomba di nos economia y pesey Gobierno kier yuda na facilita e grupo di comercio aki y reduci e red tape cu tin door di encamina e caminda di E-Government pa por duna un servicio mihor y mas liher na nos cuidadanonan, comercio y inversionista. Gobierno kier stimula negoshi bou di e sector di Industria Creativo cu ta un di e seis sectornan prometedor pa diversifica nos economia, brindando sosten den forma di capacitacion empresarial brinda pa Idea, Exprodesk y Enseñansa di Empleo.
Minister Ruiz-Maduro ta gradici Exprodesk y tur e facilitadornan cu a dedica nan tempo pa comparti nan conocemento cu e grupo di cursista. Un danki special na e compania SISMERCADO pa e tayer di e-commerce, Grant Thornton pa e tayer di impuesto, AMAA pa e tayer di derecho di author, Qredits pa e tayer di micro financing, e compania CX Pay pa e tayer online payments y na Departamento di Propiedad Intelectual pa e tayer Derecho di Author, Patent y Trademark.
Advertisements

This site uses Akismet to reduce spam. Learn how your comment data is processed.

error: Content is protected !!
%d bloggers like this: