Olympia Taekwondo Association

Olympia Taekwondo Association

E skol di Taekwondo Olympia Taekwondo Association resientemente (18-06-2019) a partisipá na un kompetensia international ku a tuma lugá na Sürnam. Na e kompetensia titulá Sürnam open, a partisipá diferente país manera Aruba, France Guyana, Trinidat, Curaçao naturalmente Sürnam
Den e biahe deportivo aki e skol di Taekwondo Olympia Taekwando Association, a partisipá ku un selekshon di 5 Taekwondista. E Taekwondista nan ta Quishon Donker, Jayvan Poulina, Thaveon Donker, Auric Rosinda i Shadeon Donker. Tabata tin peleanan hopi fuerte.
E selekshon di Curaçao a sa di bin Curaçao bèk ku 4 plata. E Taekwondista nan ta : 1. plata – Shadeon Donker, 2. plata – Auric Rosinda, 3. Plata -Thaveon Donker i 4. plata – Quishon Donker.

Olympia Taekwondo Association kier a gradisí tur e mayornan ku a hasié biahe di Sürnam posibel pa e Taekwondista nan.

E direktiva di OTA lo sigui traha hopi duru riba fondo nan di manera ku nos Taekwondista por sigui desaroyá den bida i e deporte di taekwondo. Punto nan ku OTA ta traha riba dje pa kada alumno ta desaroyo personal, disiplina, konfiansa propio, ekilibrio/balansa i spiritu indomabel di manera ku e alumno taekwondista lo por profilá bon tantu na skol, deporte i den bida en general. Keda pendiente pa e fundraising “Parada di baiskel pa famia” ku OTA ta organisando pa dia 9 di Yüli 2019

OTA ta hopi kontentu ku Sa-bum-nim (entrenadó) Gilson Lourens ku a sa di hasi un bon trabou ku nos atletanan por a bini kas bèk ku un bon resultado.

Keda pendiente pa mas di Olympia Taekwondo Assocation ku lo sigui traha pa futuro di su alumno Taekwondista nan.

Un saludo deportivo,
Olympia Taekwondo Association