UoC ta distansiá su mes di publikashonnan enkuanto kaminda dor di palunan di mangel
Willemstad, 23 di mei 2019
UoC ta distansiá su mes di publikashonnan enkuanto kaminda dor di palunan di mangel
Universidat di Kòrsou Dr. Moises da Costa Gomez (UoC) ta distansiá su mes di publikashonnan den prensa ayera i awe referiendo na studiantenan di UoC, tokante di e kaminda ku gobièrnu kier laga traha pasando meimei di e palunan di mangel na Rif.
Manera ta usual durante un stazje, e studiantenan akí di e Fakultat Tékniko a tene un presentashon interino interno pa nan lugá di stazje i nan guianan di stazje. Pa loke ta kontenido esaki no a keda kontrolá akadémikamente ainda dor di UoC, mirando ku un kòntròl asina mester tuma lugá te na final di e stazje. Anto ta e resultadonan akí a bai den prensa.
Konsekuentemente UoC ta partisipá ku no por hasi ningun konotashon di kontenido di e presentashon ku no ta un asuntu netamente di enseñanza di su studiantenan durante di stazje.
Tambe universidat ta partisipá ku no por claim ningun derechi di e presentashon akí.