Detenshon di 43 persona indokumentá

 

KOMUNIKADO DI PRENSA 355 / 2020
9 sèptèmber 2020
Detenshon di 43 persona indokumentá
Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ
Djamars 8 di sèptèmber 2020, den oranan di anochi, Sentral di polis a risibí informashon di
Wardakosta ku a interseptá un lancha ku personanan indokumentá na bordo i a trese nan
kantu.
Mesora e tim multidisiplinario ku ta konsistí di KPC (imigrashon), Wardakosta i GMN a
kuminsa ku un kontròl riba e personanan aki; 34 hende hòmber i 9 hende muhé, tur di
nashonalidat venezolano. Riba e lancha tambe a haña i konfiská dos (2) makaku.
Despues ku e personal di GMN a terminá ku su kontròl a pasa tur e personanan aki pa e
personal di Imigrashon ku a keda enkargá ku e registrashon di e personanan indokumentá
aki.
Tur e personanan indokumentá a keda transportá pa barak di S.D.K.K., na unda nan a keda
será i ta bou di vigilansia di polis.

 

This site uses Akismet to reduce spam. Learn how your comment data is processed.

error: Content is protected !!
%d bloggers like this: