Pronóstiko di tempu pa Kòrsou i bisindario bálido te djasabra mainta 06:00 o.l, 1 di yüni 2019.

Pronóstiko

Pronóstiko di tempu pa Kòrsou i bisindario bálido te djasabra mainta 06:00 o.l, 1 di yüni 2019.
Kompilá: 
djabièrne 31 di mei 2019, 05:00 o.l. (09:00 UTC)

Tempu: Parsialmente  te hopi nublá i prinsipalmente durante di  mainta tin un chèns pa un áwaseru leve.

Temperatura máksimo lo alkansá 31 ºC i temperatura mínimo 27 ºC.
Solo ta sali 06:10 i ta baha 18:57 o.l.

Bientu: For di un direkshon generalmente ost i moderá; forsa 3 te 4 (12 te 30 km/ora, 7 te 16 nudo). De bes enkuando te basta fuerte den ráfaga; forsa 5  (31 te 39 km/ora, 17 te 21 nudo).

Situashon general: No ta antisipá nubianan signifikante riba nos region i pa e motibu aki nos wer lo keda relativamente seku. Sin embargo, un oumento temporal di humedat na nivelnan mas abou di atmósfera por resultá den un áwaseru leve riba sierto parti di nos isla durante oranan di awe mainta. Mas aleu, e fluho di bientu moderá lo sigui durante e próksimo dianan.

Kondishon di laman: Trankil te moderá ku altura di ola entre 0.5 i 1 meter (2 pa 4 pia).

Sistemanan signifikante di wer tropikal: Ningun. Mañan, 1 di yüni, temporada di orkan 2019 ta kuminsá ofisialmente.
Manera ta kustumber, Servisio Meteorológiko Kòrsou lo monitoreá tur disturbio ku por forma menasa pa nos isla i, den kaso ku esei ta nesesario, lo emití atvertensia pa pueblo di Kòrsou. E nòmbernan ku a ser reservá pa e tormentanan tropikal i orkan di e aña aki ta: AndreaBarryChantalDorianErinFernandGabrielleHumbertoImeldaJerryKarenLorenzoMelissaNestorOlgaPabloRebekkahSebastienTanyaVan Wendy.

Fenómeno spesial: Ningun.

Perspektiva te djadumingu mainta: Shelu lo ta basta nublá ku chèns pa algu di áwaseru.

Meteorólogo: Rombley.

 

This site uses Akismet to reduce spam. Learn how your comment data is processed.

%d bloggers like this: