Advertisements

DIPUTADO DEN HEYER A PAPIA KU SEKRETARIO DI ESTADO VAN ARK TOKANTE ENTRE OTRO MÍNIMO SOSIAL

DIPUTADO DEN HEYER A PAPIA KU SEKRETARIO DI ESTADO

VAN ARK TOKANTE ENTRE OTRO MÍNIMO SOSIAL

 

 

Den Haag – Diputado Nina den Heyer a papia na Den Haag ku sekretario di estado Tamara van Ark di Asuntunan Sosial i Empleo tokante algun topiko aktual. ‘Naturalmente nos a papia tokante e proseso na kaminda pa stipulashon di un mínimo sosial, un tópiko ku hopi hende na Boneiru, pero e sekretario di estado i ami tambe, tin atenshon p’e. Ámpliamente nos a para ketu na e tópiko aki i na fin di luna di yüni nos lo kontinuá ku e kombersashon na Sint Eustatius’, segun diputado Den Heyer.

‘Mas aleu mi a duna splikashon tokante nos vishon riba akohida di mucha. Nos meta ta pa krèsh òf akohida pa mucha di 0 te ku 4 aña bira aksesibel pa tur mucha.

 

Tambe a papia tokante e importansia di ayudo pa hende ku tin debe problemátiko i dunamentu di ayudo finansiero na midí den kaso di violensia doméstiko. Alabes diputado Den Heyer a informá e sekretario di estado tokante e nesesidat ku tin na Boneiru pa introdusí un forma di ayudo finansiero na momento ku un empleado pèrdè trabou. Finalmente a interkambiá di idea tokante importansia di funshon di un solo lokèt kaminda e suidadano por akudí ku tur su preguntanan ku ta regardá provishonnan sosial manera ònderstant i otro yudansa finansiero.

 

Fin di luna lo sigui ku kombersashonnan na St Eustatius, kaminda ku lo tin un enkuentro di trabou ku sekretarionan di estado Knops i Van Ark.

Advertisements

This site uses Akismet to reduce spam. Learn how your comment data is processed.

error: Content is protected !!
%d bloggers like this: