APK Entrega di Ley Homo: Matrimonio i Politiko
Matrimonio i Politiko
Na 2017 niun partido politiko no a kore kampaña komo partido pro matrimonio homo, pesei niun partido of parlamentario tin e outorisashon di e pueblo pa vota riba e petishon di kambio di ley imensamente drastiko aki ku a wordu entrega ayera pa e grupo LGBT. Na 2016 APK a hasi un enkuesta bou di tur partido i tur a indika di ta KONTRA matrimonio homo. PAR i PAIS no a yena e enkuesta. PAIS a sali pro-homo pero a perde tur 4 asiento. Por mira e enkuesta riba facebook page di Christian Pastors Association bou di Photos. E petishon pa kambio di ley di matrimonio pa inklui dos hende di e mesun sekso mester bai den latchi por lo menos te despues di siguiente elekshon.
Na Merka nan a konta 1138 ley i reglamentu ku tin di haber ku nos matrimonio hudeo/kristian di kasi 2000 aña bieu. Leynan di imigrashon, adoptashon, impuesto, herensia, seguro, pensioen, ets TUR a wordu traha ku matrimonio hetero den mente, pa yuda e matrimonio pa asina proteha e potensial yunan, pa nan por lanta den un matrimonio stabiel di un tata i mama biologiko. Lastimamente den un mundu dekahi tin divorsio of fayesementu kaba ku konsekuensianan hopi difisil pa e yunan.m Statistika ta mustra ku for di ora un mayor no ta biologiko, e abuzu di mucha ta subi 33 biaha. Matrimonio homo semper lo kai den e kategoria ei. Relashon seksual homo no ta trese yu na mundu i pa esei komunidat no tin interes ni benefisio di mara ley of reglamentu na e relashon ei.
Korte Oropeo a dikta ku matrimonio homo NO ta un derechi humano, pesei tin ahinda 7 pais den Union Oropeo ku no ta obliga pa asepta e lokual e 20 otro paisnan den Union Oropeo a hasi riba nan mes. Niun pais no tin obligashon di regla union sivil homo tampoko pasobra esei tambe lo hasi e pueblo komplise den aprobashon di e akto seksual homo. Kada ken ku no ke kasa (ke keda biba) of no por kasa (paso matrimonio pa hetero) mester regla e ‘derechinan’ serka notario nan mes i laga pueblo afo. Kada ken responsabilisa su mes dilanti di e Altisimo.
