Gobièrnu mester sigurá ku tur kontribuyente ta paga na tempu nan belasting di vehíkulo!

Gobièrnu mester sigurá ku tur kontribuyente ta paga na tempu nan belasting di vehíkulo!

Segun parlamentario Curtley Obispo: e aktual Gobièrnu di Kòrsou tin e mishon di  sigurá ku tur kontribuyente di Pais Kòrsou ta paga nan kontribushon na tempu di e belasting di vehíkulo! Dikon? Si tur kontribuyente paga na tempu e belasting di vehíkulo, e ora ei sigur na tempu tin mas sèn den ehekushon di presupuesto, pa asina na tempu por drecha mas kayanan/kamindanan aki na Kòrsou. Nos kada unu ku ta kore un vehíkulo aki na Kòrsou tin e deber aki ku nos Pais Kòrsou!. No tin un palu di plaka!. P’esei e kontribushon balioso na tempu di kada un di nos di e belasting di vehíkulo ta super importante! Ta nos leinan di Pais Kòrsou for di 10 òktober 2010 ta indiká esaki na nos tur ku ta kore un vehíkulo.

P’esei den e reunion di Parlamento di Kòrsou di dia 3 di Yüni 2019, Parlamentario Curtley Obispo a hasi e siguiente 4 pregunta kardinal i konkreto na Minister di Finansa, señor Kenneth Gijsbertha:

1. Minister di Finansa su karta di kontesta fecha 4 desèmber 2018 na mi persona ta bisa ku a base di dato di Ontvanger di Kòrsou a risibí pago di 97,458 vehíkulo. P’esei mi tin e siguiente pregunta pa Minister di Finansa: kuantu den total ta e vehíkulonan ku a paga e belasting di vehíkulo entre 1 yanüari 2019 te ku 30 aprel 2019 ?.
2. Ki dia e kontròlnan “grootschalig” riba pago di impuesto di vehíkulo ta kuminsá? Pa asina Pais Kòrsou tin mas sèn na tempu pa drecha mas i mantené mas kayanan/kamindanan aki na Kòrsou?;
3. A kuminsá ku e destaho publiko pa loke ta trata e plachi di number nobo di vehíkulo entrante 1 yanüari 2020? Pa asina remplasá e plachi number aktual ku ta data di aña 2009 i asina tambe garantisá kontribushon di belasting, seguro i keuring di  vehíkulo di tur kontribuyente;
4. A base di Minister di Finansa su karta di kontesta fecha 4 desèmber 2018 mi tabata ke sa e status di upgrade i tambe “opschoning” di e sistema di MBR (Motorrijtuigenbelasting) di Ontvanger di Kòrsou? Esaki ta klave i tambe importante den kuadro di introdusí un plachi number nobo entrante 1 yanüari 2020