CPA a firma Sister Port Agreement ku Sans Souci Port Republica Dominicana

CPA a firma Sister Port Agreement ku Sans Souci Port Republica Dominicana

E akuerdo a keda firmá pa sr. Humberto de Castro (Direktor General di CPA) i sr. Gabriel Rodriguez Pereyra (Direktor General di Sans Souci). Alabes, sr. Raul Manotas (Hefe Funshonario Komersial di CPA) i sra. Sharon Mei (Direktor Komersial di Sans Souci) tambe a firma e akuerdo supervisá pa sr. Carlos Faulkner (Direktor Operashonal di Sans Souci). E Sister Port Agreement ta inisiá un koperashon ku ta fasilitá e interkambio di informashon ku ta konserní e industria di karga i krusero na kada haf. E interkambio di informashon ta inkluí tambe datos estadistika historiko, desaroyonan infrastruktural planiá pa haf i estudio di merkadeo general. Adishonal e akuerdo ta stipulá ku e partidonan lo studia e posibilidat pa subi trafiko maritimo den ambos haf, traha pa logra interkambio di bishitanan edukashonal, promové e relashon i benefisionan di hasi negoshi na ambos haf i konsiderá partisipashon mutuo den kongresonan ku tin di haber ku haf. Firmamentu di e akuerdo ta pas ku e strategia di CPA pa fortifiká aliansanan ku otro hafnan ku balor strategiko.