ORV a entregá diploma na 9 agente èkstra ordinario di Douane Kòrsou

Opleidingsinstituut Rechtshandhaving & Veiligheidszorg (ORV) a entregá diploma na 9 polis èkstra di Douane Curacao ordinario ku a pasa e kurso ‘Buitengewoon Agent van Politie’ ku éksito.

E entrega di diploma i sertifikado a tuma lugá djaweps 6 di yüni 2019 den oranan di atardi na ofisina di Douane na Kaya Don Martina den presensia di hefenan di Douane i di ORV.

E opleiding ta kapasitá e trahadó di e servisio menshoná ku ta traha den seguridat i órden públiko pa loke ta trata area di trabou di e servisio. E kursistanan a alsa nan nivel di investigashon i trahamentu di proces-verbaal, despues ku nan a terminá e estudio. E funshonarionan  a risibí lès den e vaknan Inleiding Recht, Strafrecht, Strafvordering, Staatsrecht, Professionele Gespreksvoering, Beroepsethiek, Rapporteren, Praktisch Optreden, Ambts en Geweldsinstructie, Proces-verbaal i otro materianan den kuadro di e trabou ku e grupo menshoná ta traha.

Durante e seremonia direktor di ORV sra. Falbru, sr. Tyrone Plantijn ‘Chef Post Initiële Opleidingen en Leiderschapstrajecten’  i guiado di klas sra. Josiane Janzen a dirigí palabra na esnan presente.  Di Douane a dirigi palabra direktor interion sra. Pols-Strick.

Esnan ku a pasa e kurso ku éksito i risibí diploma ta Norman Phelipa, Sherman Nicia, Shermen Hooi, Aldrin Clementina, sra. Aretha Ricardo, Soratux Seintje, Urlich Striebeek, Igmar Wilson i Rederick Pourier.

Norman Phelipa a slag komo mihó di e klas menshoná ku 94 punto.

ORV

Opleidingsinstituut Rechtshandhaving & Veiligheidszorg (ORV) ta un instituto pa formashon i edukashon di e kadena hudisial. Nos ta desaroyá kurso, treining i workshop pa servisio i organisashonnan enkargá ku órden públiko i seguridat na Kòrsou.

ORV ta sigui ku desaroyo inovativo di material di edukashon i formashon i proyektonan den kuadro di kombatimentu di kriminalidat pa un mihó komunidat.