MINISTER DI HUSTISIA GILMAR PISAS A SERA KONOSÍ KU MINISTER DI HUSTISIA DI HULANDA

MINISTER DI HUSTISIA GILMAR PISAS A SERA KONOSÍ 

KU MINISTER DI HUSTISIA DI HULANDA

 

Willemstad –Minister di Hustisia Gilmar Pisas a sera konosí ku e Minister di Hustisia i Seguridat di Hulanda sra. Dilan Yeşilgöz-Zegerius dia 9 di febrüari 2022.

 

Minister di Hustisia sr. Pisas huntu ku representantenan di e Ministerio di Hustisia a sera konosí ku sra.Yeşilgöz-Zegerius ku resientemente a keda instalá komo Minister di Hustisia den Gabinete Rutte na Hulanda.

 

Durante di e enkuentro aki e dos ministernan a haña oportunidat pa enterkambiá riba diferente punto. Ta trata aki di e siguiente puntonan:

• E karteranan ku Minister di Hustisia sr. Pisas ta okupá aktualmente;
• E situashon di Covid na Kòrsou;
• E fondo di likides di Ministerio Públiko;
• Krimen organisá na Kòrsou kaminda ta risibí koperashon di RST;
• E problema di e refugiadonan for di Venezuela;
• E plan pa kumpra ekíponan nobo pa e team forénsiko di Kuerpo Polisial.

 

E dos ministernan a kumbiní ku nan lo keda den kontakto ku otro i ku den futuro serkano lo sera konosí personalmente ku otro.