PROMÉ MINISTER GILMAR PISAS A HIBA DISKURSO NA ENTIERO DI SR. SHANNON VLIJT.

PROMÉ MINISTER GILMAR PISAS A HIBA DISKURSO NA ENTIERO DI SR. SHANNON VLIJT.

 

Willemstad – Promé Minister Gilmar Pisas a hiba diskurso na entiero di sr. Shannon Vlijt dia 17 di febrüari 2022.

 

Sr. Vlijt tabata traha den Fòrti i tabata keda konsiderá komo un kolega ku tabata trankil, servisial, konfiabel, positivo i loyal.

E tabata un miembro di personal ku nunka ta bisa Nò pa nada ku bo aserké pe hasi, ku nada no tabata di mas pa e hasi, apesar di e situashon ku e tabata aden ku su salú.

Hopi no tabata sa mes ku e tabata den e situashon ei, debí ku e ta move tur dia na pia di un sitio pa otro pa kumpli kabalmente ku su trabou.

 

Na momentu ku a risibí e notisia ku kolega Vlijt no tei mas serka nos, esaki a keda risibí ku hopi tristesa i dolo di parti di tur su koleganan ku a traha kuné na e Ministerio di Asuntunan General i e Ministerio di Maneho di Gobernashon, Planifikashon i Servisio Públiko.

 

Minister Ornelio Martina, ku ta e minister di e Ministerio di Maneho di Gobernashon, Planifikashon i Servisio Públiko a hiba palabra na momentu ku e Waha di Morto a bishitá Fòrti, ku e restonan di kolega Vlijt aden, pa asina tur su koleganan por a tuma e último despedida di dje.

 

Promé Minister a deseá famia, amigu i konosinan di kolega Vlijt su mas sinsero sentido di pésame i forsa ku e pèrdida sensibel di nan ser kerí. 

 

Kolega Shannon Vlijt lo keda den hopi di esnan ku a traha huntu kuné su memoria i ku e por sosegá na pas.

 

Share this page to Telegram

This site uses Akismet to reduce spam. Learn how your comment data is processed.

%d bloggers like this: