Kla pa Turismo ku Job Fair na Sentro di Bario Montaña
Kla pa Turismo ku Job Fair na Sentro di Bario Montaña
Geplaatst op 05 March 2020 dor di Ministerio Desaroyo Sosial, Labor i Bienestar
Willemstad – Sektor turístiko ta sigui krese i den e kresementu aki tin espasio pa tur ku tin e afan pa duna su kontribushon na adelanto di nos pais. Den kuadro di e trayekto di ‘Kla pa Turismo’, Ministerio di Desaroyo Sosial Labor i Bienestar (SOAW) konhuntamente ku Ministerio di Desaroyo Ekonómiko (MEO) i den estrecho kolaborashon ku CHATA, a organisá algun Dia Habrí pa habitantenan di área di Otrobanda i di Bándabou.
Bishitantenan a ekspresá e deseo pa e tim organisá mas enkuentro den área di Bándariba i e tim ta kumpli. E próksimo enkuentro ta djasabra awor i lo tuma lugá na Sentro di Bario Montaña entre 9’or di mainta i 2’or di mèrdia.
Esnan ku akudí por registrá pa un entrenamentu i trabou, sea komo asistente di servisio (Bediening assistent), asistente di kushina (Keuken assistent) òf trabou doméstiko (Housekeeping).
Esakinan ta e áreanan kual sektor di hospitalidat lokal a indiká ku tin mester di hende riba término korto. Persona nan ku ta buskando trabou ku no ke traha den hospitalidat o ku tin un trabou pero ta buska trabou den un otro sektor tambe por pasa pa registrá.
MEO, SOAW, CHATA ta invitá interesadonan di Bándariba pa bini na e siguiente Job Fair na Sentro di Bario Montaña situá dilanti di santa.
