INTENTO DI ASESINATO DEN KAYA KUMULUS SER’I PAPAYA
Hòmber a keda tira den pechu den porta di su kas na Kaya Kumulus, Ser’i Papaya, ambulanse i polis a yega rapidamente na e sitio di e suseo pa kuminsa duna tratamentu na e viktima i atende e di investigashon.
Invetigashon preliminar ta indika ku deskushon ku a kuminsa na un partido di bala ta kulmina den e intento di asesinato.
Tabata na SDK ku tabata tin un partido di futbol ku a surgi un bringamentu formal i asta tabata tin menasa ku morto. Despues di e bringamentu kos no a keda asina. Algun tipo a presenta na kas di e futbolista i yama esaki pafo pero na e momentu ei ta su ruman a sali bini pafo i risibi e impaktonan di bala. Vehikulonan ku tabata tin dilanti e kas tambe a risibi impakto di bala.
Por a tuma nota ku ta basta huls por a mira abou benta na sitio di e suseso por lo menos 18 huls, e viktima despues di risibi e impakto di bala den su pechu a bai den kas i warda riba ambulase i polis.
