KOMUNIKADO DI PRENSA

228 / 2019

13 yüni 2019

Kaso di tiramentu ku herido.

Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ

Djárason 12 di yüni 2019 alrededor di 23.03 or, Sentral di Polis a dirigí un unidat Polisial na
un kas den Kaya Cumulus pa un kaso di tiramentu ku herido.
Na yegada di e unidat, el a bin topa ku un hòmber ku herida di bala na parti ariba di su
kurpa.
Mesora a pidi presensia di ambulans, ku a transportá e hòmber víktima J.E.A. nase na
Kòrsou di 19 aña di edat, pa poliklínika di SEHOS pa tratamentu médiko.
For di investigashon ku polis a realisá na e sitio a sali na kla, ku ruman hòmber di e víktima
oranan mas promé tabatin un diskushon ku a terminá den un bringamentu ku e
sospechoso. Despues di esaki el a bai kas.
Mas lat e sospechoso lo mester a bai na e adrès menshoná i a lòs tiru ku a alkansa e víktima.
Despues di e akto e sospechoso a bai for di e sitio.
Investigashon den e kaso aki ta kontinuá.