Curinde a realisá su promé grupo for di Cuba ku a bin kumpra nan produktonan den zona liber.

Curinde a realisá su promé grupo for di Cuba ku a bin kumpra nan produktonan den zona liber.

Minister pa Desaroyo ekonómiko huntu ku su ministerio ta sumamente kontentu ku e logro di Curinde pa realisá e Caribbean Red Carpet.

Un trayekto ku a kuminsá dos aña pasá ku un delegashon enkabesá pa eks –minister Steven Martina i diferente empresa mas.

Eynan durante e diferente  kombersashonnan i deliberashonnan  a bin resultá ku e problema mayor ku Cuba tin pa hasi negoshi ku Kòrsou ta e problema di Visa.

Na yegada bèk Curinde huntu ku MEO, CTB, DBB, DOUANE i Servisio di Atmishon den kolaborashon ku Embahada di Reino na Havana, Cuba i Ministerio di Relashonan eksterior di Reino na Den Haag a kuminsá traha mesora inkansabel pa solushoná e problematiko aki, i ku awe ya a realisá e prome grupo di Cubano ku ta representá un merkado ku por realisá mas di 300 miyon dollar na kompra di merkansia den nos zona franka.

Minister pa Desaroyo Ekonómiko Kenneth Gijsbertha kier felisitá Curinde i tur ku a hasi lo posibel pa awe nos a realisa e logro grandi aki. Ministerio di Desaroyo Ekonòmiko ta sigi ku e trabounan inkansabel ku nan ta hasiendo pa yuda pone nos ekonomia bèk riba pia i den e kaso aki sigur ku porta a habri pa Cubanonan tambe por bini i kumpra por mayor den Zona liber.

 

Pabien Curinde! Pabien MEO! Pabien Kòrsou!

 

Advertisements

This site uses Akismet to reduce spam. Learn how your comment data is processed.

error: Content is protected !!
%d bloggers like this: