Redakshon di Kiko Ta Pasando a risibí un yamada telefoniko di un persona hende muhé bisando nos ku ta e ta un di e organisadornan di e evento di International School Curaçao ku a keda organisá pa èks alumnonan di e skol

Redakshon di Kiko Ta Pasando a risibí un yamada telefoniko di un persona hende muhé bisando nos ku ta e ta un di e organisadornan di e evento di International School Curaçao ku a keda organisá pa èks alumnonan di e skol.

E señora ta refutá ku a usa nòmber di e skol. Na momentu ku nos a puntra ku tabata tin un evento di e skol, el a kontesta ku “SI” pero ku no ta alumno di International School Curaçao so tabata na e evento organisá pa èks alumnonan di International School Curaçao paso tabata tin mucha di otro skolnan. El a menshoná ku tabata tin mucha di por lo menos 3 otro skol, MIL, KAP i Radulphus College. Ora a puntra e señora ku a hasi e yamada aki su nòmber, rotundamente el a nenga di duna su nòmber. E señora aki tabata kunsumí na telefon paso a menshoná nòmber di e skol. Ora a puntra e señora ku e evento ku el a organisá, ku ta pa kua skol el a organisá e evento aki, e mes a bisa ku ta pa International School Curaçao, pero ku ta èks alumnonan a organisá e evento di graduashon. E señora a bisa ku e ta kontra di e komentarionan ku nos siguidónan a skibi, ku ta ofendé e skol pa kual e evento a keda organisá. Dado momento a dama aki a lòs un palabra menos nèchi i ora a puntra e ta ku ken e ta papia asina, el a bira rapidamente bisa ku ta ku un hende pará serka dje el a manda un “K…”

Dado momentu a bolbe puntra ku ken ta papiando el a bisa ku e ke keda anonimo. Alabes el a bisa ku e bringamentu no a tuma lugá den e establesimentu sino leu for di e sitio. Pa esnan ku konosé e edifisio aki ku ta keda riba Schottegatweg Oost sa bon bon ku hinter e parkeer lplaats eynan ta pertenesé na e negoshi enkuestion. E señora ariba menshoná a keda para riba ku mester kita nòmber di e skol for di e video ku ta ilustrá komportashon i frustrashon di algun hoben ku podise lo a konsumí alkohòl. International School Curaçao ta un bon skol i ta duna un bon preparashon na su alumnonan. Esei no ta kita ku e alumno riba su mes tin un of otro problema riba su mes komo individuo. Hecho ta ku despues di e evento di e skol ariba menshoná a surgi un brigamentu masal di diferente hoben ku a asistí na e evento aki. E organisashon no a pidi asistensia polisial pa atendé ku e bringamentu aki ku a dura 15 pa 20 minüt segun informashon di e señora.