Kaso George Jamaloodin

Promé dia kaso Jamaloodin

Kaso Maximus:

Tribuna tin algu mas ku 30 persona. Tantu famianan di e defuntu sr. Wiels komo di e sospechoso Jamaloodin.

Abogado Sulvaran  lo hiba defensa di Jamaloodin.

E datosnan  di Jamaloodin ta wòrdu lesá dor di Wes.

Wes ta mustra Jamaloodin ke e no ta obligá na kontesta pregunta. Riba kual Jamaloodin ta indiká ku e ke kontestá tur kos pa bin klaridat. El a pidi wes 5 minüt pa deklará algu.

Jamaloodin ta  wòrdu akusá di a malusá 450.000 florin  ora e tabata minister i tambe falsifikashon di faktura i ofertanan. Esaki ta parti di e kaso Germanium. Fiskal ta papia tambe di kaso Passaat…                                                                                              Kaso Maximus mes fiskal ta indiká ku Jamaloodin lo a duna Fonseca e enkargo di e asesinato di Wiels

Den e 5 minüt ku Jamaloodin a pidi wes, el a papia di kaso Germanium, kual e ta atmití di ta kulpabel, aunke awor e ta lamentá esaki. E no a keda nunka  skuchá den e kaso aki, apesar di su petishon, ku el a hasi ora e tabata na Venezuela.

Nunka el a tende algu ,mas di RST ni OM.

Parti di e sèn di subsidio el a usa, e ta aseptá, pero ku parti di e sèn el a stòrt bèk.        Pa ku e kasonan di Passaat i Maximus, si Jamaloodin ta bisa ku e ta kompletamente inosente.

Wes ta indiká ku lo trata e kasonan awe di e siguiente sekuensia: Germanium, Passaat i despues Maximus.

1. Kaso Germanium.

Wes ta indiká ku upgrade di kampo di deporte na Steenrijk mester a tuma lugá i pesei sèn di subsidio mester a bai pa e fundashon. Ta trata di mas di 450.000 florin. Kual montante a wòrdu kambiá na man. E siguiente minister despues di Jamaloodin a duna SOAB e tarea pa investigá i SOAB a saka afó ku e loke a hasi den e proyekto no tabata igualabel na e sèn ku a stòrt riba nan kuenta (di e fundashon) i ku e ofertanan tabatin e mesun typefout i algun faktura skibí na man. A drenta MOT melding tambe.

Jamaloodin ta indiká ku por ta posibel ku loke un trahadó di dje, sra Joubert, a indiká na wes,  ku a pidi’é pa traha faktura falsu pa laga parse ku ya a hasi e trabounan pa pone preshon riba e ministerio ta bèrdat, pero detayenan spesífiko e no ta kòrda. Sra. Joubert lo a bisa ku el a hasi tur kos riba petishon di Jamaloodin segun wes. Jamaloodin no ta kòrda tampoko ku el a bisa sra Joubert ku e no a risibí sen

Na e pregunta di Wes,  si sra. Martina tabatin relashon personal ku Jamaloodin, Jamaloodin ta indiká ku ta e kaso, pero e no ta kòrda si sra. Martina a risibí sèn ku tabata destiná pa e fundashon.  Segun Jamaloodin na e pregunta di Wes si sra Martina tabata bou di preshon di Jamaloodin. Jamaloodin a indiká di no a sinti esaki.

 

Wes ke sa si bèrdat Jamaloodin  a hasi mal uso di Castablanco (bisiña di Jamaloodin), kende el a aserká ku e intenshon  pa nan a kuminsá un fundashon, i Jamaloodin a bis’é pa habri kuenta di banko. Nunka Jamaloodin a bisele pa kiko e sèn ku a keda di stòrt riba e kuenta tabata pe. E ta lamentá di a konfia Jamaloodin. Tabata bobo di su parti i ku asta el a pèrdè konfiansa den e kargo di minister di hustisia. Riba kual Jamaloodin a bisa, ku ta deklarashonnan ku kada ken a deklará ta pa nan mes. Riparabel tabata ku Jamaloodin ta pega hopi durante su kontestanan..Jamaloodin ta indiká ku ta lástima ku e bisiña tin e sintimentu ei.  Riba pregunta di Wes si Jamaloodin a daña imagen di kargo di minister di hustisia. Jamaloodin ta indika ku si i ku e ta haña esaki malu.

Tambe Wes a indiká ku tabata tin vários momento, sigur tres okashon ku Jamaloodin por a duna deklarashon riba kaso Germanium, kontrali na loke Jamaloodin a indiká den su prólogo (5 minüt ku Jamaloodin a pidi wes), i ku esaki ta nuansá su propio deklarashon den su prólogo.

Jamaloodin ta kontestá ku e sènnan ku a bini for di Oropa riba su kuenta, bou di menshon ”Legal matters” tabata pa invershon. E chèknan ku a wòrdu di cash out na 28 okashon, segun Jamaloodin a wòrdu mesklá den su propio sènnan. Ora wes a pidi pa  spesifiká kon el a usa e sèn, Jamaloodin a bisa entre otro kasino. I ku riba pregunta di Wes, Jamaloodin a kontestá ku no a stòrt e sèn riba niun kuenta. Jamaloodin ta bisa e no por bisa en detayes kiko el a hasi ku e sèn, pasó e no tin su administrashon ku ne, i ku e no sa ki e tin ku kontestá.

Segun Wes ku 450.000 florin partí den 3 luna ku a lanta tur e sèn, ta fl 5000 pa dia, pues Wes ke sa kon a usa e sèn. Wes a kue su lista i ta indiká ku ta un periodo di 2 aña a lanta e sèn. Pues el a kibuká su mes di e durashon di e periodo. Kontinuando den su lista wes ta mira si ku den algun luna korto a lanta alrededor di 200.000 florin. Den desèmber di e aña ei so el a lanta fl 135.000.

Jamaloodin ta bisa un bes mas ku e tabata robes. 

“Ik moest het beter inweten”. 

“Ik wil geen schoonheidsprijsje, ik heb verkeerd gehandeld, het is wat het is”.

 

 

 

 

 

 

 

 

 

2. Kaso Passaat.

Kaso Passaat  ta e kaso ku ta sospechá Jamaloodin di a falsifiká fecha di dokumentonan di impuesto; e asuntu di “inkeerregeling”.:

Wes ke sa si Jamaloodin tabata na altura ku OM tabata okupá ku un investigashon riba su ruman Robby,  relashoná ku kaso Bientu. Jamaloodin ta indiká ku nò. Abogado Sulvaran ta indiká na Wes ku e kaso di “inkeerregeling” aki ta di dos Santos i no di Jamaloodin.  Segun Jamaloodin pa hopi aña no a hasi nada ku e kaso aki. Foi 2011 a yamele i bisele ku tin ku skuch’ é, relashoná ku e kaso aki. E tabata asta dispuesto pa entregá retiro komo minister. WJZ a konsehé ku no mester hasi esaki,  paso no tin nada i ku abogado tambe a konsehé meskos. Jamaloodin ta mira e kaso aki komo “te gek voor woorden”. A pone 3 kaso huntu pa hasi henter un show. Ekspertonan a bisele ku nada a bai robes (pa loke ta sospech’é di dje den Passaat). Segun Jamaloodin kada LB di 2019 i p’ é lastu 50 añanan ta “antigedateerd”.

 

3. Kaso Maximus.:

Wes su gran pregunta ta, si Jamaloodin ta envolví den morto di Wiels i kua ròl Jamaloodin tabatin den esaki.  

Segun un tep anónimo, el a tende Jamaloodin bisa su ruman, ku Wiels ta bai Pier sin su wardaespaldanan. Jamaloodin ta bisa ku polis no por a tap niun kòmbersashon entre dos Santos i e. Ya ku e tin hopi tempu ku e no ta komuniká ku Dos Santos via telefòn. I ku Wes por hasi’ é 1001 pregunta riba e kaso pasó e lo kontestanan honestamente.

Riba pregunta di Wes di kon ora a puntrele komo testigu, si e ta envolví den morto di Wiels, el a kontestá ‘echt niet’? Pa  Jamaloodin, OM a hinka un kaso den otro a base di redu. Segun Jamaloodin, Fiskal Rip ta un direktor di esena ku a wak hopi pelíkula. Wes ta kuestioná Jamaloodin ku el a indiká den su deklarashon ku hopi ratu e no tabatin kontakto ku Fonseca, pero sinembargo tabatin 80 sms entre nan dos kual a bin haña bèk den su telefon. Tabatin kontakto na yanüari, febrüari etc den 2013. Jamaloodin ta indiká ku e no tabata tuma inisiativa den niun di e kombersashonnan. Pero segun Wes riba  dia 24 april i 4 mei (un dia promé ku e asesinato) esei si tabata e kaso.

Wes ta kuestionando dikon den su interogatorio, Jamaloodin ta bisa ku e no sa si e tabatin kontakto ku Nini, siendo ku tabata djis mei aña pasá, dùs e no por a lubidá.

Wes ta indiká ku Jamaloodin a bisa ku e no a bai e sitio di asesinato. Sinembargo wes ta mustra ku e mes a indiká ku el a bai na un restorant den serkania.  Riba esei Jamaloodin ta kontestá ku e dia ei, e ku su yu muhé i amiga di e yu a bai kome den área di Mambo. Nan a pasa si ei dilanti i a mira 2 ambulans i ora e yu muhé a puntra kiko a pasa, Jamaloodin a kontestá  ku e ta kere ta kaso di hogamentu. Un di tres ambulans a yega na e sitio i ora el a bai wak, el a mira outo di Amerigo Thodé i a stashoná banda di dje. El a dal dies stap na e otro banda i a disidí pa no laga su yu i e amiga nan so den outo. Jamaloodin a bisa Wes ku e no a deklará esaki promé, pa protehá su yu i e amiga i ku e no ta mira kiko su yu por tabatin di haber den e kaso.  Wes ta kuestioná kon bin nunka Jamaloodin a indiká ku e tabata den e área, kaminda tin algun persona a bisa di a mira Jamaloodin den e área despues di e asesinato.

Wes ke sa kon bin Jamaloodin a yama polis Macaya , despues di e suseso, pa puntrele kiko a pasa i si Wiels a bisa algu despues ku a tir’ é. Segun polis Macaya el a haña e preguntanan di Jamaloodin straño. Jamaloodin a kontestá ku pa e tabata algu mashá normal i ku el a yama mas reportero polisial tambe i puntra kiko a pasa.

Jamaloodin a trese dilanti ku e ke sa dikon Wiels, so den tur Parlamentario tabatin protekshon for di 2011 i ku si a investigá esaki. E no ta komprondé dikon e ta sospechoso intelektual den e kaso aki. Su ruman Robbie i e,  a traha duru pa nan sèn i lo no a paga 1 mion florin pa mata Wiels. Tambe Jamaloodin ta haña ku OM mester buska e bèrdat, pero nan tin vishon di tùnel i ta haña ku OM ta skonde kos. Segun Wes, Jamaloodin ta okupando ku defensa di su abogado, i wes ke konsentrá riba e echonan. Jamaloodin ta bisa ku el a purba tur kos pa bin dilanti mesa bèrdè durante dos aña i ta duru pe, mirando ku e ta inosente i ta hañ’ é den e kaso. 

Segun testigu Maria na 2015 el a tende di Panchek, ku Pretu a bisa ku sèn a bin di dos Santos i Schotte i e arma di Jamaloodin, I ku na 2017 Maria ku Nini i Jamaloodin a               negoshá morto di Wiels.

Gumbs a deklará ku 2 of 3 dia despues el a haña un yamada di un informante i ku el a indiká ku Jamaloodin lo ta tras di morto di Wiels. E informante a yega di topa ku Jamaloodin. Segun Gumbs e informante lo ta mui probabel un miembro di NLS. Riba esaki  Jamaloodin a kontestá ku e informante ta papia kos ku no ta kuadra. Ta un informante fantasma di Gumbs a duna informashon, I e ke sa dikon Gumbs (di VDC) no a skibi e deklarashon di e informante. Jamaloodin ta bisa ku a tap e pa 6 aña dùs OM tabata sa semper unda e ta. i pa Jamaloodin, Gumbs a gaña., pasó dikon e no a firma loke e informante fantasma  lo a bisele, kaminda Wes a mustra ku serka RC si Gumbs a firma e deklarashon?

Wes ta bisa ku Testigu B5 a deklará ku Jamaloodin i dos Santos lo a paga.         Monster tabata e tiradó. 

Bolle a bisa ku Nini a bai ku Bolle na kas di Pretu dia di e asesinato,

Bolle tabata papia di esun ku lo a paga i kada bes e tabata menshoná e nòmber Jamaloodin. Segun e testigu B5, e atrako riba e barku Summer Bliss lo tabata pa paga pe asesinato. Jamaloodin a paga Nini, ku a paga e sobránan pa hasi e asesinato. Bolle lo a bisa B5 ku djadumingu dia 5 lo tabatin e reunion pa e asesinato. Promé mester a atraká Wiels i nèt promé ku 5 ‘or instrukshon  a drenta ku mester mata Wiels. B5 ta bisa di a mira Nini ku Jamaloodin dia 5. Dor ku a fia sèn di Jamaloodin i no por a paga esaki bèk Jamaloodin lo a bisa pa ehekutá e asesinato e ora ei i a bisa Pretu:”Hasi bo kos.”

Pa Jamaloodin, “Of je bent zwanger of je bent niet zwanger”, dor ku a tap e pa seis aña sin a haña algu, plus tira inval sin haña nada. Pa Jamaloodin e mensahenan di smsnan ku Fonseca, promé ku e asesinato ta mensahenan normal entre e ku un konosí, pasombra ta esei Fonseca ta un konosí i no amigu.  Riba kontestá na Wes ku nan ta yama otro ruman, segun Jamaloodin e palabra ‘ruman’ ta un palabra normal pa yama otro. Ta un “stopwoord”. E no ta ninga ku Nini tabata bini na su kas. Tokante e sms di unifòrm, Jamaloodin ta indiká ku ta trata di simpel unifòrm di deporte, kual Nini tabata pidi pa spònser. Ora Wes a puntra spesifikamente unifòrm pa kua tim..Jamaloodin a kontestá ku e no sa. Wes ta sigui puntra; ken a traha e unifòrmnan, ken a bisti nan.Jamaloodin no por kòrda si el a mira e unifòrmnan, pasó no ta un suseso importante p’e. I Jamaloodin no por kòrda kiko el a hasi qua investigashon pa e unifòrmnan ku a pidi spònser pe. Segun Wes den e mesun sms i frase Fonseca a papia di trabou i unifòrm, dùs nan tin relashon ku otro.

Wes ke sa ki trabou Jamaloodin tabatin pa Fonseca 4’or. Jamaloodin a indiká ku ta trabou di vigilansha.  Wes ta mustra Jamaloodin ku Jamaloodin mes a indiká mas promé ku Fonseca no kier a traha komo bewaker. Wes ta konfrontando Jamaloodin ku su mensahenan i lesando e tekstonan, Jamaloodin no por sali afó ainda di kiko e lo kier a mèn ku loke el a manda. Segun Jamaloodin niun hende ta papia normal via telefòn pasó bo ta wòrdu di tap.

 

Di dos dia kaso Maximus

Awe wes ta interogá George Jamaloodin riba deklarashonnan di dos testigu. Winklaar i de Windt, dos eks trahado di Speedy Security.

Wes tin hopi deklarashon relashoná ku plakanan for di Speedy Security. 
Testigunan a tuma nota di Jamaloodin ku plakanan ku ta duna Nini Fonseca.
E testigunan no a mira e sènnan mes, pero ta rekonosé kon yen Jamaloodin su saku di karson ta i ku kada bes tin sakunan i tasnan ku plaka.
Testigu Winklaar a traha 14 aña na VKC. 
Winklaar ta pensa ku Jamaloodin ta laba plaka pa su ruman. El a mir’é ku tas grandi ku yen sèn. E por a hole diferensia di florin i dollar. 
Jamaloodin ta kontestá, ku e ta keda iritá pa tur e deklarashonnan di testigunan i ku ta mihó e bai traha na douane, si e tin e don di hole sèn.
Wes ta bisa Jamaloodin ku e mester keda al kaso, riba kual Jamaloodin ta kontestá , ku den media tambe a ke daña nòmber di e kompania Speedy Security, deklarando ku e arma ku a haña ta di Speedy Security.

Na nòmber di e yunan di Wiels, Sra. Richardson ta entregá petishon pa daño i perhuisio material i immaterial.
Wes ta lesa karta di Savannah yu di Wiels, tekstualmente: ”Mi no por sigui te awe ku mi bida, mi bida a kambia. Mi tata tabata mi héroe. Ainda mi tin doló. Pensando ku ainda e kaso no ta resolvé a hasi mi deprimí. 
Mi ta biba na London. Spera ku si tempu pasa nos por sigui ku nos bida. Nos mester closure, kaba ku e kaso aki. Nos stima nos tata hopi, e doló lo no bai nunka”.

Sigui pa e karta di e yu hòmber di Wiels:”Tin ora mi ta rabia i tur siman mi ta bai sinta na graf di mi tata. Danki Dios mi tin mi tata. Mi ta rabiá riba e hendenan ku tabata ku mi tata, nan por a skap’é. Promé ku mi tata a muri, mi bida tabata bon, mi tabata biba na Hulanda. Mi ke a studia.Te awe ta difísil pa traga loke a pasa. Ta hasi doló wak e pòrtrètnan riba media sosial”.

Riba e pregunta di Wes, si Jamaloodjn ke reakshoná riba e deklarashonnan di e  yunan di Wiels, Jamaloodin ta bisa ku no.

Kaso Germanium.
Fiskal Out ta trese dilanti ku di e 450.000 florin, 445.000 a wòrdu pagá bèk.
Out, ta bisa ku lo pensa ku Jamaloodin tin sèn sufisiente. Ku sèn di impuesto di pueblo,el a enrikesé su mes,ke a traha vèlt pa su yu i ku Jamaloodin no tin bèrgwensa. El a hui bai afó i ku el a hasi mal uso di su funshon komo minister. Fiskal Out a indiká ku por a bai otro.

Kaso Maximus:
Fiskal Rip ta papia di e ròl di Jamaloodin den morto di Wiels, aunke esei no ke men ku e ta e úniko aktor intelektual. Ministerio Públiko ke buska bèrdat, no tin tunnel visie. Kaso penal Jamaloodin ta keda tratá riba su kurpa i no ta usa verediktonan di otro kasonan relashoná ku esaki.

Fiskal Rip, no ta deskartá ku Jamaloodin a hasi esaki su so.i ku el a paga Nini  Fonseca. 
Jamaloodin  a indiká ku e tabata ku su yu i un persona a  bèl’ é, bisa ku Wiels a keda asesiná, kaminda tin testigunan ku a mira Jamaloodin den e área di e asesinato, nèt despues ku e asesinato a tuma lugá.
E yamada tambe a wòrdu investigá, pero e no ta kuadra segun Fiskal Rip.
Fiskal Rip ta trese dilanti ku kada bes Wiels tabata yama Jamaloodin payaso i ku esaki por tin su efektonan riba bo, komo hende. Jamaloodin ta esun ku a bini ku e oferta pa mata Wiels. OM ta pidi komplisidat den asesinato.

E gastunan di avion mester haña esaki bèk pa e yunan di Wiels, aunke imaterial ta difísil pa haña den kaso penal.

Fiskal ta pidi demanda di 30 aña pa George Jamaloodin.

Defensa abogado Peppy Sulvaran
Tur hende por pensa tur kos di Jamaloodin, pero e no ta kulpabel di nada.
Hopi daño a keda hasí na su bida i su famia.
Públikamente a traha un opinion riba Jamaloodin. 
Den e deklarashonnan di Rip, durante kaso Nini Fonseca, unda el a deklará ku Robbie dos Santos i Jamaloodin a paga pa mata Wiels, e deklarashonnan akí a bai prensa internashonal i tabata tin konsekuensia pa famia Dos Santos. 
Segun abogado Peppy Sulvaran a selektá e testigunan pa kaba ku Jamaloodin.
Testigunan ku a keda kambia nan deklarashonnan ,debí na sèn ku OM a ofresé na nan. Pa e abogado, Jamaloodin no a hunga niun ròl den e morto di Wiels.
Tin 2 testigu ku ta morto i 1 testigu ku ta un spiritu
A hasi Jamaloodin kulpabel den komunidat sin motibu.
Tambe Fiskal Mayó de Jongh a aserká amiga i mayornan di Nini ku oferta pa nan traha ku OM i baha kastigu di Nini. 
Ministerio Públiko ta bon den skonde i laga dokumentunan importante disparsé, kual ta stroba e proseso di un kaso hustu. 
Tin resultado inkompletu di sms.

Enfasis ta keda poné riba deklarashonnan di testigunan ku OM a usa, testigunan ku tin sierto problemanan mental. 
E echo ku OM a kumpra deklarashonnan,  ta hasi proseso penal di Jamaloodin unu inhustu.

 

Di tres dia Kaso Maximus

Awe defensa lo pasa dor di 4 diferente rapòrt di ekspertonan i lo para ketu na tur e pruebanan ku Ministerio Públiko a bini kune dilanti.

Abogadonan di Jamaloodin tin un tim di mas di 5 persona, ku a analisá su kaso. Kaso Maximus ; Elisabeth Martina Krielen ta nòmber di e eksperto ku a studia tur e sms entre Jamaloodin i Nini. E eksperto ta parti un pakete di papel,di mas di 700 página i ta mustra riba un pantaya algun informashon relashoná ku e smsnan. Dor ku e video no ta zona bon, abogado Sulvaran ta duna splikashon di kiko Helmin Wiels ta bisa den e grabashon, kual ta un entrevista. Wiels ta splika ku e ta mucha di Steenrijk, huntu ku Robbie, Jamaloodin i Amparo, ku nan a lanta huntu i ku su mama ta nos mama. Ku sra.Imelda ta man’é mi mama. I ku George Jamaloodin ta un “zwarte schakel” i ku RST ta bini p’ é, ku RST a bini promé kaba, ku “huiszoeking” na kas.

Defensa di George Jamaloodin ta bisa ku ta keda pone énfasis riba e “tunnel visie” di Ministerio Públiko.,e motibu polítiko pa kual ke kondená George Jamaloodin. E bèrdat mester.wòrdu buská, riba prueba berdadero i no riba loke ku ta pensa. Ministerio Públiko, ta mira e deklarashonan di radio di Wiels, relashoná ku SMS To Win 3 di mei, i esei a pone ku a kuminsá mustra dede riba Jamaloodin, djis pasó Jamaloodin ta ruman di Dos Santos.. Segun Sulvaran, Ministerio Públiko a ninga di duna sierto informashon i a skonde prueba. Ku OM a gaña riba eksistensia di sierto prueba i ku esaki ta nifiká ku nunka Jamaloodin por tin un kaso hustu. Den e kaso di Carlos Pieters i Nini tambe a pèrdè dokumentu. Wiels a papia ku dos hende promé ku e muri, pero esakinan OM no a bin dilanti ku nan. Pa abogado Sulvaran esakinan no ta pas den motibu polítiko pa akusá George Jamaloodin. Ministerio Públiko ta sakando su propio konklushonnan i nan mes pensamentunan ku e smsnan. I tambe tin hopi inkonsistensia den deklarashonnan di testigunan ku OM a bini dilanti ku ne.

Tambe e ta mustra riba diferente deklarashonnan di testigunan ku ta kontradiktorio. Kuwas tabata haña instrukshon di Pretu, pa hasi yen di aktonan kriminal, manera, asesinato Rikel Consencion, atrako na Hector Henriquez. Segun Sulvaran, nunka Pretu no por yega na e persona ku a paga, pasombra Pretu ta gai di kaya. Uniko kos ku Pretu por a bisa ta, ku e hendenan ku a paga no ta hasi wega, nan no ta payaso. Aki abogado Sulvaran ta papia di e deklarashonnan di Kuwas. E kombersashon entre Kuwas i Pretu. Tabata tin papiá ku Pretu no gusta paga i ku Panchec

tambe a bisa ku Pretu debe yen sèn. Ku Pretu mester a paga sèn pa atrako na joyeria i mas otro atrako. Abogado Sulvaran ta para ketu riba kada un deklarashon ku OM a bini kuné dilanti, relashoná ku e motibu ku ta George Jamaloodin ta esun ku a paga pa mata Wiels. E abogado ku diferente motibu ta mustra ku e deklarashonnan di testigunan no ta kuadra ku bèrdat. Ta remarkabel kon OM ta hasi uso di e deklarashonnan komo prueba. Abogado Sulvaran ta splika di algun sms entre Fonseca i Jamaloodin, ya ku Ministerio Públiko a indiká ku e smsnan no a keda bon aklará pa Jamaloodin.

Tin diskrepansha den e orarionan di e smsnan i remarkabel ta ku presis e sms ku a trese bruashon, no ta den e lista di sms ku OM a uza den e kaso. No ta kla, kon bin sierto sms ta den e lista di historia di Jamaloodin i no ta aparesé den e lista di Fonseca, si nan tabata papia supuestamente ku otro.. Pa e abogado e interpretashonnan di OM no ta kuadra, entre otro e sms ku Fonseca ta bisa ki dia e ta pasa pa kuminsa traha i e sms relashoná ku unifòrm. Ningun kaminda tin un relashon ku ta prueba ku Kuwas, Fonseca i Jamaloodin tabatin kontakto ku otro, ni tampoko.ku Jamaloodin i Bolle a topa ku otro dia 30 di Aprel . OM a hasi interpretashon, sin buska hechosnan relashoná i sin investigá ku e smsnan ku a keda uza pa kondená Jamaloodin. Remarkabel di e deklarashonnan di Gumbs ta ku nunka a hasi anotashon,e ta papia di spiritu, kual nunka bo por haña. Tambe el a deklará riba un informante di VDC, kual ta inkreibel i no por konfia. Si e informante tabata asina importante e mester ta pone den su fail i esei no a wòrdu hasi, ni ningun hende no a wak’é .

Segun e abogado, ta tuma a tuma nan hasi.. Dor ku e informashon di Gumbs a sali for di Gumbs mes i no di un informante i tin kontradikshon tambe, e informashon ei, no por keda uza ni kontra Jamaloodin ni Fonseca. Gumbs su fail a disparsé i despues di a bolbe interog’é, el a kambia su deklarashon. Gumbs ta bisa , ku e informante a bini serka dje, pasó RST a trat’é malu, kual RST mes a kontradesí esaki. Gumbs no a duna identidat di e informante i VDC a bisa di no por duna identidat di e informante.. Tambe ta tin diferensia den e deklarashonnan di Gumbs, relashoná ku atrakonan ku a tuma lugá i abogado Sulvaran ta duna splikashon di e oloshinan ku a horta na Renaissance, Aruba i Freeport . E testigu Herbert Jacobus, seguridat di Jamaloodin,tabata traha 7 biaha pa siman. El a deklará ku nunka Jamaloodin no ta na kas, ta si e ta malu so i ku nunka e no ta malu. Gerrit Schotte so e sa mira na kas di Jamaloodin òf otro hende ku ta traha na

Finansa. Nunka el a mira Bolle, Pretu òf Nini na su kas ni banda di Jamaloodin. Segun e deklarashon di Thode Hoofd Beveiling, e trahadonan di seguridat tabata traha hopi i ku semper Jamaloodin ta sali riba kaya bai fiesta.Trahadonan tabata kansa, pasó semper e ta un kaminda.Thode tambe tabata konosé Jamaloodin. Dia 5 di mei, 5 ‘or atardi el a bai Marie Pampoen, e. tabata tei fo’ i trempan na e sitio. Pa abogado Sulvaran,OM a relashoná e deklarashonnan di Gumbs ku esnan di e testigu Maria, kual deklarashonnan ta kompletamente diferente. Tur dos su deklarashonnan ta papia di atrakonan den joyeria. Gumbs semper tabata kontra di gabinete Schotte i a kore ku Gumbs, pasombra e tabata lèk informashon.

For di yüni 2012, Gumbs tabata sa via di e informante, ku lo bai asesiná Wiels. I segun abogado Sulvaran, ku asina un hende sa ku un morto ta bai tuma lugá, e mester duna un keho,i ku esaki ta para den lei. No tin nòmber ni nada di e informante skibi.

Den e deklarashonnan di testigu Maria, e ta bisa ku el a papia ku Damascus riba e morto di Wiels i ku Schotte i Dos Santos lo paga pa mata Wiels. Ora Damascos a keda konfrontá ku deklarashonnan di Maria,e ta bisa ku e no sa di nada i ku ta den korant el a lesa ofer di Kuwas. Damascus no tabata sigur ku Fonseca tabata den e asuntu i tampoko no tabata sa nada di Schotte den kaso Wiels. Deklarashonnan di Maria ta trata di loke Maria a bis’é ,pero Damascus ta bisa ku e no sa di nada.i ta keda konsistente ku ta Fonseca ta mata Pretu ..

Maria ta metí den kaso Hato Shooting, pa kual el a haña 12 aña di kastigu. El a haña rebaho, pasombra el a duna informashon i a mandele Hulanda. Tin un rapòrt sikológiko ku ta bisa ku mester bai kuidadosamente ku deklarashonnan di Maria, debí na su situashon mental, kual ta un retraso mental i esei ke mèn ku su deklarashonnan no ta konfiabel.

E ta un persona di inteligensia abou , por wòrdu influensiá mashá lihé I ta uza hopi droga.

Segun ekspertonan mester wak su deklarashonnan hopi bon, pasombra nan ta .problemátiko.

Abogado Sulvaran ta para ketu na e deklarashonnan di testigu de Windt i Winklaar,eks-trahadonan di Speedy Security, kendenan a deklará, ku nan a tuma nota di aktuashonnan straño di nan doño di trabou i ku Fonseca tabata bini na e kantor den orarionan straño i ku tabata trata di dunamentu di sen. Abogado Sulvaran ta bisa ku esakinan no ta kuadra ku realidat i ta splika e orarionan di trabou di Winklaar i ku tin un tal Kimberly ku tabata traha na Speedy Security i ku tin mihó bista, no a yega di mira Fonseca nunka di su bida i ku.e deklarashonnan di e eks empleadonan aki no ta konfiabel . Winklaar ta bisa di a mira Fonseca ta bai ku sèn dos biaha, despues e ta bisa di a mira un par di biaha i ku un luna promé ku morto, e tabata bini

serka Jamaloodin mas frekuentemente i ku el a mira Fonseca sali ku sèn. Pa konkluí ku e defensa di Sulvaran, por a saka for di investigashonnan i e deklarashonnan di Ministerio Públiko di “van horen zeggen’ ku nan no ta konfiabel i ku tin ta asta kumprá.. Por konklui ku no tin relashon entre Jamaloodin i Fonseca ku a paga pa mata Wiels. Yen deklarashon ta kontradisí otro, nan ta engañoso i no tin ningun prueba ku Jamaloodin a paga Fonseca ningun sèn.

Ekspertonan ta bisa ku no tin señal di informashon relevante. Pa medio di un profèser, defensa a laga traha un rapòrt, kual a analisá tur dokumentunan i pruebanan. Segun e eksperto; Ministerio Públiko ta diskriminá ku prueba, usando loke ta faborabel pa nan so. Defensa a yega na e siguiente konklushon Bon mirá, mi ke pa deklará OM no atmisibel, konsientemente aktuashon inhustu di ofisial di Hustisia. Ministerio Públiko a bai kontra di lei, pa loke ta testigunan, prinsipalmente e testigu informante di Gumbs. E informante su deklarashon ta kontra lei i e tabata anónimo i e fuente ta pèrdí Minsiterio Públiko a tacha su konfiansa i e skondementu di prueba di parti di nan ta stroba Jamaloodin haña un proseso hustu. Den e kaso akí mester pone mas atenshon riba e inkosistensia i riba e deklarashonnan ku no ta konfiabel, informashonnan di ‘van horen zeggen’’ Pasombra Ministerio Públiko no ke pèrdè kara, e ta aktua asina ku e deklarashonnan di Gumbs,Maria i Bautisma. Den e kaso akí ta tin yen deklarashon falsu, gañamentu ku ta mas kla ku di dia, . intenshonalmente ta gaña i esakinan no por wòrdu usá komo testigu, pasó nan tabata pa saka propio benifisio. Pruebanan konfiabel ku ta bèrdat, mester wòrdu usá, pruebanan konvinsente, ku ta evitá ku hende inosente ta keda kondená. E testigunan, nan fuentenan no ta eksistí i den e kaso akí no por a lokalisá ningun fluho di plaka.Jamaloodin no tin nada di haber ku asesinato di Wiels . Duplik di Fiskalnan. Fiskal Oud ta papia masha kòrtiku di kaso Passaat, e kaso relashoná ku ‘inkeerregeling’. Fiskal Rip ta papia di e pruebanan i e hechonan den e kaso i ku e no ta bai riba tur punto di e defensa . Duplik fiskal Rip Tin un proseso hustu i e investigashon ta hasí “kuidadosamente”. Riba e deklarashon ku a bisa ta gañá, tin prosès verbal di polis di e interogashonnan.

E ta desmentí ku un trahado di KPC ku tin relashon ku Suzy Rombley, a lèk informashon.

Defensa tabata tin tur oportunidat pa haña tur informashon ku tabata falta. Di “Tunnel visie” no ta di ningun manera, Kuwas mes a atmití ku e a mata Wiels. No ta bèrdat ku OM a fiha riba politika den e kaso aki, na inisio di e investigashon a fiha riba esnan ku a tira. Ningun hende no ta kere ku Kuwas a mata Wiels riba su mes, el a haña un enkargo. For di inisio no a pensa pa hinka Jamaloodin i Dos Santos den e kaso, ta investigashon a pone nos den e direkshon. Nos no sa ku ta SMS TO WIN ta e motibu pa a mata Wiels, e por ta un motibu i ku ainda ta hasi investigashon riba e grupo di posibel outor intelektual. E pago di Dos Santos, na Jamaloodin pa mata Wiels, nos no a mir’é., pero esei no ke mèn ku e no ta eksistí. Pero loke si nos sa, ta ku Fonseca a haña sèn kèsh pa mata Wiels. Dor di e kaso Germanium nos sa ku Jamaloodin tabata tin mas di 400 mil florin i un kuenta na Estland. Segun Fiskal Rip e alegashon di defensa relashoná ku e orarionan di e smsnan entre Jamaloodin i Nini, no ta e esensia den e kaso akí, e esensia ta, ku nan dos tabata tin komunikashon ku otro. Imposibel kon por alegá ku Gumbs su deklarashonnan no ta konfiabel. Den e kaso bientu a tap telefòn di Jamaloodin durante dos siman. Riba e situashon di Maria, defensa ta eksagerá, ya ku ningun kaminda tin tur e asuntunan di Maria pará. Maria a kambia su deklarashon i a deklará mas kos aserka, pero e no a kambia 180 grado manera defensa ta alegá . Ofer di e seramentu di dil di OM na testigu òf akusadonan ta bèrdat ku a purba drenta un dil ku Fonseca, pa yuda ku hustisia i tambe ku Fonseca su famia. Nos ta atmití esaki. Pero no ta bèrdat ku a bisa ta baha su kondena ku 6 aña, aunke e delaster palabra ta di wes, e ta tuma e desishon. E úniko persona ku nos ta tin un kombenio ku ne ta Elvis Kuwas i e ta por a pasa su kastigu na Hulanda. Bautisma tabata akusá pa labamentu di plaka na gran eskala. Defensa ta na palabra. kontradisiendo deklarashonnan di Duplik di fiskal. Segun abogado Sulvaran, OM no a lesa nan rapòrtnan ku nan a duna, sino nan tabata sa kiko nan a hasi robes den nan Duplik. Deklarashon Jamaloodin

E ta papia ku famia Wiels, ku e manera ku kos a pasa ta hasi doló i ku su mama tambe a muri den e trayekto aki.

E no sa kuantu bes e mester bisa ku e no tin ningun motibu pa ke Wiels morto, ni Robbie ni ami. No tin hueya finansiero den e kaso. E sa ku su proseso no tabata manera mester ta. I e ta pidi diskulpa den e dianan di e kaso i ku hopi biaha mi a bin dilanti robes, mi hulandes no ta esun mihó I ta spera ku wes a komprondé mi. Tur kos a bai rondó di e bario di Steenrijk.

Jamaloodin a kuminsá yora i ta stòp di lesa su karta

E ta sigui yora i papia riba Divi Divi í ku nan a hasi deporte semper den Steenrijk. Jamaloodin i su rumannan kasi tur ta empresario. El a hasi kontabilidat, kual estudio e no a kaba nunka. E i su ruman Robbie ta hopi yegá na otro i e tabata su konsehero. Robbie ta un bon empresasio grandi na Kòrsou i mas isla .

E kaso Maximus ta hasi hopi dolò na Robbie i ami. Famia Wiels i Jamaloodin semper ta tin bon relashon, ami ku Aubert i Amparo i Helmin i nunka ma mira Helmin komo un enemigu maske, e tabata kritíko kontra di mi. Na e momentu ei e yu di Helmin ta kuminsá bira intrankil den sala i ta sali bai pafó Mi mama Imelda tabata di hùrt ora Wiels a muri, pió ora ku el a tende ku ta ami i Robbie a paga pa mat’é.Mi tata tambe, nan tei awe ku mi. E ta hasi nan tambe hopi doló i mi no por imaginá kon nan lo sinti, si mi no tei mas. Ami no tin nada di haber ku morto di Helmin Wiels, i mi ta ripití ku mi no tin nada di haber. Mi ta lamentá ku OM a habri un herida ku nunka mas lo keda kurá i ku e akusashonnan ta infundá E tres dianan aki mi tei pa mi limpia mi nòmber, den e dos kasonan ku mi no ta kulpabel na nan. Awe mi yu hòmber a hasi aña i e tei den tribuna i mi ke felisit’é. Mi’n por tei pa selebrá kune awe ,mi ta pidi’é despensa, i mi ke bis’é ku mi no ta kulpabel den e dos kasonan. Mi ta yama mi rumannan danki pa nan sosten. Jamaloodin ta sigui yora i ta bai sinta bèk. Wes ta bisa 26 yüli lo sera e kaso ofisial. 16 di ougùstùs ta duna veredikto pa 13:30

Jamaloodin por tei presente pa haña su veredikto .pero e mester bisa delantá, pa asina por regla su binida for di Boneiru