Dos sospechoso detené den kuadro di investigashon ‘Lacerta’ / Twee verdachten aangehouden in kader van onderzoek ‘Lacerta’

Dos sospechoso detené den kuadro di investigashon ‘Lacerta’

Djaluna dia 24 di yüni den kuadro di e investigashon ‘Lacerta’, agentenan di TBO, e tim-antikorupshon di RST, a detené dos homber, R. v. K. (54 aña di edad) i A. I. (53 aña di edad). E sospechosonan lo mester presentá dilanti Wes Komisario ku e siman aki lo evaluá ku e detenshon tabata legítimo i ordená enkarselashon preventivo.

Investigashon ‘Lacerta’ ta dirigi riba possibel aktonan di korupshon den e proseso di negosashon pa yega na un partner stratégiko pa Refineria di Kòrsou (RdK). Gobièrnu di Kòrsou huntu ku e Hunta di Komisario di Rdk a hasi denunsia di posibel echonan kastigabel. E sospecho ta ku e dos sospechosonan ku a keda detené a hasi nan mes kulpabel dor di pidi un suma grandi bou di mesa. Ta spera ku lo bai tin mas detenshon.

_____________

Twee verdachten aangehouden in kader van onderzoek ‘Lacerta’

In het kader van onderzoek ‘Lacerta’ zijn op 24 juni 2019 door opsporingsambtenaren van het Team Bestrijding Ondermijning (TBO), het anti-corruptieteam van het Recherchesamenwerkingsteam (RST), in opdracht van het Openbaar Ministerie de mannen R. v. K. (54 jaar oud) en A. I. (53 jaar oud) aangehouden. De verdachten zijn in verzekering gesteld en zullen worden voorgeleid aan de Rechter-Commissaris, die deze week de rechtmatigheid van de aanhouding en de inverzekeringstelling zal toetsen.

Onderzoek ‘Lacerta’ richt zich op mogelijke corruptieve handelingen in het onderhandelingsproces voor het vinden van een strategische partner voor de Refineria di Korsou (RdK).
Van de vermoedelijk begane strafbare feiten is door de regering van Curaçao en de Raad van Commissarissen van de RdK aangifte gedaan.
De verdenking is dat de aangehouden verdachten zich schuldig gemaakt hebben aan het vragen om een groot bedrag aan steekpenningen. De verwachting is dat er meer aanhoudingen zullen volgen.