“Empoderá bo mes”

 “Empoderá bo mes”

Den kuadro di selebrashon di 10 aniversario, JCI UC ta bai organisá un evento spesial pa miembro i no-miembro. Ta trata aki di “Set Your Power Free”. Un evento kaminda tur ku tei presente lo wòrdu empoderá pa ekspresá nan mes i di forma artístiko, kreativo i positivo duna aporte na nos komunidat. E evento aki ta kompletamente gratis pa tur ku ke partisipá i ta konta ku presentashon di Francis Sling. Francis Sling ta konosí pa su obranan di arte impreshonante den area di Punda i Otrobanda en partikular. 

Tur esaki lo tuma lugá djabièrnè, 28 di yüni 2019 di 7or pa 10or di anochi na Artcave Francis Sling, Scharloo. 

JCI su meta prinsipal ta pa trese kambio positivo den komunidat dor di desaroyá lidernan kapasitá ku ta ehekutá diferente proyekto i evento ku ta aportá na komunidat di Kòrsou den un forma duradero. Tur persona entre 18 i 40 aña di edat ku ke ta siudadano aktivo ta mas ku bon biní.

Pa mas informashon por tuma kontakto ku Silvetty de la Paz, organisadó di e evento aki na 515-1368 òf via di nos e-mail jciuccuracao@gmail.com. Por bishitá nos página di Facebook: JCI UC Curacao pa mas informashon. 

 

This site uses Akismet to reduce spam. Learn how your comment data is processed.

Contact us



Connecting...
created by TelegramWordpress.com
error: Content is protected !!
%d bloggers like this: