Kurpa sin bida di tata i su yu muhé ta yega tera
Kurpa sin bida di tata i su yu muhé ta yega tera
Kurpa di migrante Oscar Alberto Martínez i su yu di 23 luna, Angie Valeria, a keda kapturá den un imahen ku ta shòk kualke persona. Brasa chikitu di e yu ta na e tata su garganta ainda, na momentu ku a deskubrí e kurpanan na Rio Grandi na e lado di Mexico. Esaki ta un muestra mas di e biahe peligroso ku migrantenan ta riska pa yega Merka.
Tata i yu ta di El Salvador i nan a hoga djadumingu ultimo na Rio Grande na momentu ku nan tabata krusa di Mexico pa Texas. Ambos a yega kosta di Texas i e tata a laga e yu na kantu promé ku e bolbe drenta awa pa saka su kasá. Na momentu ku e yu a mira ku su tata ta landa bai, el a bula su tras. E tata a kue su yu tene pero koriente fuerte a hala nan i pone ku nan a hoga. E mama i kasá a mira kon su kasá i yu a keda halá riba djadumingu. Nan kurpa a keda enkontrá riba djaluna.