Manehá bo transakshonnan bankario den bo plant’i man: Spar tempu ku e Banco di Caribe Mobile Banking App
Manehá bo transakshonnan bankario den bo plant’i man:
Spar tempu ku e Banco di Caribe Mobile Banking App
WILLEMSTAD: Miéntrastantu teknologia ta sigui avansá i dianan ta bira mas i mas okupá, efisiensia ta mashá importante. Un banko moderno manera Banco di Caribe ta pensa riba fasilidat, funshonalidat i kumbiniensia di su kliente. E aplikashon bankario mobil di Banco di Caribe ta permití bo hasi bo transakshonnan na momento ku bo ke i alabes gosa di bida. E kontròl di bo finansas ta den bo plant’i man. E ta fásilmente aksesibel pa kliente partikular i komersial.
E Mobile Banking App di Banco di Caribe ta sigur i kumbiniente; e kontròl di bo transakshonnan bankario ta aksesibel unda ku ta, i ki ora ku ta. E aplikashon mobil ta ofresé tur funshonalidat disponibel riba BdC Online. Klientenan ku tin un kuenta koriente òf un kuenta di spar aktivo i ku tin un BdC Online Security Token aktivá por disfrutá di e Mobile Banking App mesora.
Funshonalidatnan pa hasi bida mas fásil
Paga resibunan di utilidat, transferí fondonan entre bo propio kuentanan, hasi transferensia lokal entre BdC i otro bankonan, meskos tambe transferensianan den region i internashonal – tur ku e Mobile Banking App di Banco di Caribe! Pa e kliente komersial ta posibel hasi transferensia ‘bulk’ pa negoshi tambe. Por mira e balans di tarhetanan di krédito i hasi pago mesora si ta nesesario. Otro funshonalidatnan interesante di e App ta e.o.: un ATM locator ku ta mustra presis na unda e ATM di mas serka ta di bo ubikashon aktual, un boton di búskeda i un sekshon di pregunta (FAQ). E App di Banco di Caribe ta diseñá pa adaptá na tur pantaya.
Spar tempu; deskargá e App!
Banco di Caribe su Mobile Banking App ta registrá i ta kontené tur funshonalidat di e BdC Online ofisial. Hasi bo bida un poko mas fásil i spar tempu! Deskargá e Mobile Banking App grátis den Google Play Store òf Apple Store, selektá bo merkado di residensia, usa bo Security Token pa ‘login’ i kuminsá hasi bo transakshonnan bankario mesora. Pa mas informashon por bishitá www.bancodicaribe.com òf yama 432 3200.
